雖然疫情暫緩，假日若想避免去人多擠逼的地方，同時又想親近大自然，這次介紹的大灘郊遊徑便再適合不過。雖然不是熱門路線，但是勝在風景如畫，前半段都是沿海而行，而後半段都能夠在高處眺望西貢海峽一帶景色，途中更能經過人跡罕至的大灘海灘，是香港隱世角落之一。

大灘郊遊徑位於西貢，全程7公里 ，只需約3小時30分鐘便能走畢全程，路況平坦易行，難度不高，適合親子同遊遠足。

起點：西貢大灘

於西貢市中心乘搭94/96R/289R號巴士，到大灘站下車，便來到行程的起點。

大灘海紅樹林 看到彈塗魚+招潮蟹

沿著平坦的石屎路一直前行，行走10分鐘後便會到達猴塘溪及大灘海的交界，因此這裡長滿紅樹林，退潮時會有機會看到彈塗魚及招潮蟹等，但大家注意勿騷擾濕地生態。另大灘海遠望可以見到香港三尖之一的蚺蛇尖。

大灘郊遊徑 輕鬆易走

繼續前行，穿過大灘村後，便開始進入大灘郊遊徑。郊遊徑初段沿海岸線而行，兩旁都有樹蔭，加上海風，不會太炎熱。沿途有溪邊小徑及沙礫石道，雖有上落坡，但幅度不大，輕鬆易走。一路上都可以見到蝴蝶，例如是斑鳳蝶以及白帶黛眼蝶。

大灘海灘 欣賞山明水秀景色

在大灘郊遊徑走大約半小時會到達一個小石灘，不時會見到有人在這裡摸蠔，但是因為這個石灘較多碎石，因此不建議大家走下去。

繼續在林蔭小路前走10分鐘，便會到達大灘海灘。在這裡可以將大灘海一帶山明水秀的景色盡收眼底，向遠方望去，可以見到西貢東的連綿山脈，也可遠眺高流灣及蚺蛇尖。海灘水色清澈，不少家庭都會帶小孩在海灘玩水，偶然會看到有牛隻經過，不過大家不要打擾牠們。

海下灣 全港最好的海域之一

離開大灘海灘後，沿路依照往南風灣的指示而行，後半段的路不再是沿岸邊而行，而是緩緩上山，會上到海拔百多米，但是一般人都能夠應付。

看著一片西貢無敵海景行走，沿路清風吹拂，沿著大灘郊遊徑行走2小時，接近尾聲時有分叉路根據指示牌前往南風灣。於南風灣向前再走幾步便是海下灣，海下灣水質良好，水清沙幼，是絕美打卡點。政府網站將海下灣列為全港最好的海域之一，海底有3個珊瑚群落區，因此不少人周末會特意到海下灣玩浮潛。

戲裡她是女兒國國王，他是唐僧。

在戲裡遺憾滿滿：

世上安得兩全法，不負如來不負卿。

反省凡心損梵行，從來如此莫聰明。

既生苦難我西行，何生紅顏你傾城。

如何抹去你身影，如同忘卻我姓名。

在戲外終得圓滿：唐僧娶了女兒國國王，又育有一子。

二人於4月23日官宣協議離婚。

我向來對於網友們的猜忌不屑一顧，今天猜測那個離婚，明天猜測那個隱婚。以至於今日發現網友猜測正確的時候，內心頗受震撼。
趙麗穎在我心裡，一直是個神情淡淡的女子。與她出演的角色都頗為相似。無論是阿星，還是明蘭。在愛情面前，不曾軟弱。

婚後馮紹峰曾在節目中說，他問趙麗穎，究竟是真的愛他真的想和他結婚，還是只是想要談戀愛，想要結婚。

故事的走向竟然與《知否知否應是綠肥紅瘦》一致。馮二叔婚後氣急敗壞的質問明蘭，明蘭為得到昌哥兒的消息，同意侯爺與昌哥兒母親共度一晚，他說你做的一切都是為了你家侯爺，可他也是她的二郎。

明蘭性情堅韌，打定主意謹小慎微過一輩子，所以隱藏了很多的真性情。婚後侯爺護住明蘭，明蘭才在自己飄搖的一生中，既擁有祖母的溫暖，還擁有侯爺的守護。

而馮紹峰出生富貴，情史豐富。也許一顆心居無定所，但是有了妻子，有了孩子，他有片刻心定。

他說遇到拍戲不順回去嚎啕大哭，趙麗穎就只是看著他哭，跟他說，你看看孩子吧。他看到孩子的臉，立刻就好了。

馮紹峰在節目中毫不掩飾對趙麗穎的依賴，她像個主心骨一樣。不小心在節目中說了孩子的小名，要膽戰心驚的打電話回去報備。

她是他的主心骨。我覺得非常浪漫，是一個男人對女人的全身心依賴。

但就是這樣，這段婚姻終究是走到了終點。

馮紹峰@趙麗穎，趙麗穎無回复。離婚也是工作室發的聲明。

趙麗穎一如她往常，不發一言，冷靜自持。

當年愛的時候是真心的，現在沒有感情了，也只能分開，各自安好。

結婚是對愛情負責，離婚是對人生負責。

TVB最新公布4月5至11日收視，呢個星期看點唔少，逐個同你拆！

曾志偉上任後，唔少全新綜藝節目都喺呢個星期出街。先睇星期日重頭節目《開心大綜藝》成績，TVB都知係焦點所在，所以翌日已經公布收視有22點。而加埋跨平台總收視就有23.7點。比起上星期嘅《聲夢前傳》同《流行經典50年》（前半小時）平均17點大幅上升。另一個因為曾志偉上場而大搞嘅節目《勁歌金曲》，收視就比較令人失望，只有13.8點，對比《流行經典50年》早前嘅低位更差。

星期六都有2個新綜藝節目出街，選秀節目《聲夢傳奇》有18.2點，不及前一周播電影《證人》。不過選秀節目往往要去到比賽中後段先至多人注意，到時收視或者會上升。而余安安、羅敏莊及陳凱琳主持嘅訪談節目《日日媽媽聲》，目標清晰專攻婦女，喺星期六夜晚十點呢種時段有17.4點收視算係咁。

至於該周星期一至五晚就有《尋人記》登場，以往「新聞gag王」方東昇主理嘅軟性新聞節目都有捧場客，今次唔再出國採訪拍見聞，反而更有新鮮感，錄得22.3點收視甚至比台柱《東張西望》更好。對比上一檔節目《你又估我唔到》，同時段收視更加反彈近7點，觀眾人數大約多5成！

綜藝強勢，更見劇集乏善可陳。《大步走》結局周未能一如前幾套劇咁爆seed彈升，20.1點收視只比前一周微升，全劇平均收視亦唔過20點，暫時成為年度包尾。而第一周表現唔錯嘅《愛美麗狂想曲》，呢個星期收視跌至22.7點。就連《愛•回家之開心速遞》都近況回軟，全周冇一日過25點。即管睇吓被寄予厚望嘅《伙記辦大事》會唔會做到嘢啦！

3月29至4月4日︳《大步走》終於發力貼近20點 《流行經典50年》埋尾迴光反照

最新一份TVB收視報告出爐，日期係3月29至4月4日，雖然中間係長假期，但收視唔似過往咁因為觀眾外遊而下跌。

播到第4周嘅劇集《大步走》低迷過後終於有少火起色，收視有19.8點，貼近20點及格線少少。但係睇返幾個禮拜嘅成績，平均收視都係少過20點，似乎要靠結局周谷一谷先可以避免包艇。

上一周首播嘅《愛美麗狂想曲》同《大步走》都係喺TVB網上平台播放過再推出，不過成績好得多，第2周收視23.5點，只係比之前微跌。喺劇情冇咩新意嘅情況下，李佳芯靠觀眾緣都幫到收視，云云花旦之中Ali的確值得多啲機會……咁當然《愛美麗狂想曲》有「年青人偶像」曹永廉同蝦頭談情說愛，都係賣點……啩。

2大收視之寶《東張西望》平日keep住22點水平，反而「重頭劇」《愛•回家之開心速遞》近幾個禮拜稍為回軟，今個星期有24.7點，比起上2個星期流失大約8萬觀眾。另外喺該個星期六晚因為廖啟智逝世而播放嘅電影《証人》，收視有18.8點，比慈善show或者播演唱會更好，大台可以考慮星期六播電影，好過身水身汗搞綜藝。

點解咁講？該星期日播放選秀節目《聲夢傳奇》熱身篇《聲夢前傳》，收視有17.3點，比起小本經營嘅《港產旅行團》同《香港原味道》更遜色。如果正式出街收視都係咁上下，最驚嘅應該係一班參賽者。而去到「大結局」嘅《流行經典50年》，可能用「最後一集」呢個綽頭有吸引力，收視反彈到17.1點，比起前兩周嘅低位14.3點大幅反彈。家燕姐可以放心去湊孫啦～～

3月22至28日︳《愛美麗狂想曲》爆冷成今年開播最佳收視 《大步走》繼續跑唔郁

今次收視報告日期係3月22至28日，嗰個星期嘅亮點係半新劇《愛美麗狂想曲》首播。稱為「半新劇」梗係有原因，因為《愛美麗狂想曲》一早已經喺網上平台串流播放﹐今次只係電視首播而已。不過首周表現居然有驚喜，收視有23.6點，以0.2收視點力壓《陀槍師姐2021》，係今年開播成績最好劇集。雖然《愛》題材唔算新穎，但係有觀眾緣唔錯嘅視后李佳芯坐陣，而且唔少宣傳都力sell Ali露背場面，算係爆個小冷跑出。

嗰個禮拜10點半綜藝時段都係有新節目上場，由阿Bob同張秀文主持嘅《你又估我唔到》臨時頂替原定嘅《諸朋好友2》，但係對收視似乎冇幫助，《你》首周得14.1點，比起之前嘅《天天開運王》跌1.5點。清談節目其實更有叫座力，J2嘅Tiger’s Talk收視唔錯已經反映呢點，而且《你》嘅環節唔見得有幾出眾，似乎高層打錯如意算盤。

另一線劇 《大步走》仍然未有發力之勢，第3周收視跌返落18.6點，距離合格水平20點都幾遠。唔少觀眾都認為《大步走》以長跑做賣點，但係劇情又係愛情＋連串誤會，同跑步冇咩關係。不過近期好幾套劇集都係最後一周表現反彈，或者《大》最終都會彈返上20點，即使係咁都好難避免成為年度收視包尾劇。

3月15－21日︳《失憶24小時》結局週發力 《流行經典50年》越做越頹

TVB最新公布3月15－21日嘅收視，嗰個禮拜嘅焦點係《失憶24小時》結局成績。《失》前20集收視徘徊喺22至23點之間，照理結局唔似有咩起色，但係勢估唔到21－25集平均收視有24.4點，星期六播嘅大結局都有23.4點，雖然未能去到《陀槍師姐2021》大結局25.8點嘅佳績，但係整體計已經算今年暫時收視最好嘅劇集。至於首周低收嘅《大步走》，去到第2周稍有起色收19.1點，但係仍未過「安全線」20點。今年TVB兩線劇收視都嚟個尾段發力，《大步走》又會唔會有同樣情況？

向來星期六收視都會麻麻，最多有之前播吳孟達作品能夠稍為谷起收視。但係嗰個星期六(3/20)，竟然連《東張西望》都不足20點收視，另一台柱《愛•回家之開心速遞》亦都只有22.5點，難怪曾志偉上場要推一大堆綜藝救亡。

而即將收檔嘅《流行經典50年》，好似自從傳出4月唔再播之後，收視逐個禮拜「落樓梯」！最新成績係14.3點，再跌半點，唔知到最後一集會有幾多呢？

3月8－14日︳《大步走》開播 收視大暴跌 三大公司歌手亮相救唔到博愛show收視

今個星期睇吓TVB3月8－14日嘅收視，呢個星期有陳山聰、姚子羚主演嘅《大步走》開播，上一檔嘅《陀槍師姐2021》本來收視平平，去到尾段先大爆發，大結局仲有近26點收視。但係《大步走》就未能食住個勢，相反仲差強人意，只係得18.8點。黃金時間劇集唔過20點，基本上已經唔合格，而且仲要比配音劇成績更曳……可能鍾意跑步嘅都落咗街跑步，冇睇啩。

另一套黃金時間劇集《失憶24小時》有23點，繼續喺22－23點之間徘徊，未知結局周會唔會有驚喜嘞。上個禮拜提到，2大台柱《愛•回家之開心速遞》同《東張西望》平日一至五收視已經連跌3周，呢個禮拜終於喘定，《東張》有22.4點，《愛•回家》有25.4點。至於開播以來收視麻麻嘅《天天開運王》，再創新低得15.5點，但係最尾一集介紹關之琳億萬豪宅，可能引起觀眾注意，等睇下個禮拜收視報告。

前2個星期六晚都播吳孟達＋周星馳作品，收視十分出色，呢個星期就有慈善show《博愛歡樂傳萬家》。今次《博愛》係3大唱片公司同TVB破冰之後首個大騷，3大都各自安排咗歌手參與，唔再只得星夢幫，不過節目收視只有13.9點，比起前一周重播《逃學威龍》大跌近7點。照咁睇，即使歌手卡士強咗，但係節目新意欠奉，怕且TVB要靠搞起音樂節目谷收視並唔容易。而已知會摺埋嘅《流行經典50 年》再跌到得返15點唔夠，難怪要斬！

3月1至7日 － 重播《逃學威龍》再破紀錄 《陀槍師姐2021》結局爆升

今個禮拜同大家睇下3月第一周嘅收視成績。嗰個禮拜嘅重點，係收視一度每況愈下嘅《陀槍師姐2021》，去到結局周有冇起色。前一個禮拜出現反彈之後，最後5集收視再度上升，平均有23.6點，大結局更加有25.8點，可以話係出人意表。不過拉勻計，全劇收視難以同前4輯《陀槍師姐》相提並論，會唔會再開續集？可能要搵返歐陽震華＋滕麗名先得！

另一套一至五黃金時段劇集《失憶24小時》，第3周收視22.3點，比上周稍跌。《失》播咗3個禮拜都係徘徊喺22－23點之間，成績同外購配音劇《燕雲台》差唔多，有齊郭晉安＋譚俊彥呢個組合竟然得呢個成績，有啲失望喎。

前一周吳孟達逝世當晚，重播電影《審死官》錄得18點收視，打破TVB3年來周末電影時段收視紀錄。呢個星期重播另一套達哥經典《逃學威龍》，收視更勝一籌有20.6點，比《審》多2點。

曾志偉上場之後，有傳做咗3年幾嘅《流行經典50年》可能4月就要摺埋。睇返收視成績，《流》又真係幾流。前2集得16點，最新收視再跌至15.4，幾乎係周末黃金時段最差嘅綜藝節目，難怪被人郁。

值得一題係，2大收視台柱《愛•回家之開心速遞》同《東張西望》一至五收視已經連跌3周，對比2月中2個節目平均唔見差唔多2點收視。而下次收視報告將會睇到《大步走》開播首周成績，估計唔多亮麗，令大台調早一個鐘避免對撼ViuTV嘅《最後一屆口罩小姐》。

2月22至28日 – 吳孟達逝世 重播《審死官》創3年收視紀錄

TVB最新公布2月22至28日收視資料，最矚目嘅唔係自家製節目表現，而係重播嘅電影《審死官》。

吳孟達喺2月27日星期六病逝，當晚TVB播放達哥、梅艷芳同周星馳合演嘅《審死官》，結果錄得18.4點收視，係翡翠台2018年以來周末電影時段收視之冠，比前一個星期播嘅《戰狼2》高出接近2點。而星期日追悼達哥節目《無可比擬的演藝泰斗 永遠懷念吳孟達》亦有21點收視，對比同時段前一周播出嘅《流行經典50年》足足上升5點。

至於兩線黃金時段劇集，第2周嘅《失憶24小時》微跌0.1點，收22.8點，不過不失。開播以來收視每況愈下嘅《陀槍師姐2021》，去到尾段終於有起色，錄得22.9點，比前周升一點。另一個收視越跌越有嘅係《天天開運王》，已經連跌3周，2月最後一星期收視只有16.7，似乎響起警號，但係仲有個幾禮拜節目未播……

其實嗰個星期一至五嘅黃金時段節目，竟然係得《陀槍師姐2021》收視上升，收視王牌《愛•回家之開心速遞》同《東張西望》都比前周跌1點，反而2個節目周末表現又比前周好。

下星期TVB將會公布《陀槍師姐2021》結局收視，到底會唔會保持升勢帶來驚喜？而《失憶24小時》又會有咩表現？

受新冠疫情影響，Marvel電影《尚氣與十環幫傳奇》拍攝進度多番延誤，昨晚喺男主角劉思慕32歲生日公布首個預告片，2分鐘片段一出，竟然一面倒負評！

Marvel電影係票房靈藥，套套大收，《尚氣》係漫威電影宇宙第4階段關鍵作品，加上金球影后Awkwafina、華人巨星梁朝偉、楊紫瓊以及我哋熟悉嘅陳法拉主演，點解會慘遭負評？

話說《尚氣》未拍已遭內地網民大叫罷睇，因為梁朝偉飾演嘅「滿大人」喺原著漫畫中角設為蛇頭鼠眼、心狠手辣嘅歹角，冒牌「滿大人」喺2013年《鋼鐵奇俠3》出現過，形象相當麻麻，內地指角色「辱華」，仲話要罷睇埋梁朝偉！

男主角劉思慕就呢樣爭議澄清過，指漫畫面世已經50年，電影版會與時並重，「滿大人」唔會辱華。依家預告出咗，梁朝偉角色由「滿大人」改成「文武」，著住西裝嘅造型亦相當養眼，不過內地網民一於懶理，繼續聲稱罷睇！

另一負評集中於劉思慕嘅長相，「路人甲」、「唔靚仔」、「符合歐美審美嘅樣」，有人改圖話佢似習近平主席，又話梁朝偉似主角多啲，評價要幾mean有幾mean！其實劉幾設合「尚氣」角色，如果角色變咗彭于晏或者姜濤做，好難相信佢可以隱姓埋名10年避過老豆文武嘅追蹤，肯定大把人偷拍擺上網囉，咁靚仔。

Marvel電影舖排多年，選角又點會求其？華裔演員又咁多，㨂得無知名度、只係拍過加拿大CBC電視台劇集《金氏便利店》(Kim’s Convenience)嘅劉思慕一定有原因，至少佢個爆肌身型絕對合格！

其實電影選角爭議一向都有，之前宣布由Brie Larson做「Marvel隊長」時一樣被負評「大媽隊長」；又或者多年前仲係名不見經傳嘅Daniel Craig，接任成為新一代「占士邦」又係負評不斷，結果Daniel Craig嘅007好睇到不得了，當年「樣衰」變成今日嘅「男人味十足」、「型佬」。話唔定睇完《尚》，觀眾會對劉思慕改觀。其實剩係梁朝偉拍商業科幻動作片都夠吸引力啦。