伍詠薇和阿BoB主持《Tiger’s Talk》最叻令嘉賓們爆料，其中一集更令李佳芯、高海寧、龔嘉欣、江美儀在鏡頭前談兩性關係，更深入談討性事及性愛場所等，愈講愈露骨，高海寧一度要向鏡頭後的高層樂小姐求救。
文：東方新地 ｜圖：《Tiger’s Talk》截圖
伍姑娘同林盛斌主持的《Tiger’s Talk》，近日在J2台播出，其中一集請來李佳芯、高海寧、龔嘉欣及江美儀，今次唔係爆娛樂圈的血淚史咁簡單，而係大爆性事，四女首次在鏡頭前大談性，有啲紅都臉晒，青筋都現埋，絕對不容錯過。
高海寧被問會否和愛侶性愛上玩花臣。
龔嘉欣談性事：會不斷學習去配合另一半
最初伍詠薇以傾感情事入題，再講到馭夫術，後來轉化成感情同性事不可分割，仲話自己唔係鹹濕，而係男女關係重要的一環，然後開始自爆自身經驗，指自己不同年紀會有不同招式，仲豪言場地不會只局限在床上，伍姑娘話：「床係要嚟瞓㗎咋﹗」以爆料做引子，然後開始向嘉賓們套料，問會否配合另一半去增加性趣？龔嘉欣答：「男人都係愛新鮮、刺激，會配合另一半，都會聽多啲朋友經歷，會去學習，作為一個女人就算結婚一段時間又要學﹗」
李佳芯 伍詠薇 性事
高海寧：睇心情啦，睇吓拍完劇攰唔攰啦﹗
阿Bob即問高海寧係咪會盡全力去配合？高Ling不太情願回答，被兩位主持逼供下，高Ling避無可避就答：「睇心情啦﹗睇吓嗰日拍完劇攰唔攰啦﹗」被伍姑娘一再追問後，高Ling一度大叫：「律師律師﹗」又向鏡頭後的高層樂易玲求救，伍姑娘就話中國女性講性都仲係咁忌諱，高Ling 即和應：「你講得啱，私下講乜都得，開大咪（鏡頭前）就唔好喇。」
被伍姑娘阿Bob當眾問同男友熱戀時激唔激情？李佳芯呆左唔識答。
李佳芯同前男友無激情
之後兩位主持加埋江美儀一起夾供李佳芯，江美儀直接問：「咁你同男朋友（訪問時未公布分手）仲有冇激情㗎？」李佳芯呆在當場，伍姑娘同阿Bob分別追問她拍拖以來有冇激情過？Ali臉紅紅答冇，她即解釋：「因為我想同另一半嘅關係似朋友，可以入到對方嘅心入面。」即被伍姑娘同阿Bob笑乜咁深奧。
江美儀幫手助攻直接問李佳芯，依家同男朋友仲有冇激情，Ali驚到縮埋一邊。
被問最佳性愛場所 美儀代Ali答：佢梗係圖書館啦
伍姑娘步步進迫轉問最佳性愛場面，伍姑娘又係先自爆指喺床度造愛太悶，然後問大家試過喺邊個造愛場地覺得好正？隨即問李佳芯，在旁的江美儀搶答：「佢梗係圖書館啦﹗」伍姑娘同阿Bob即自行FF又做埋動作，扮在圖書館睇書情景，Ali笑到臉都紅，又尷尬只坐喺度傻笑，一句話都答不上。
Ali直認同男友冇激情過，即被伍始娘同阿Bob取笑。
李佳芯解釋平淡才可以細水長流。
伍姑娘指Ali的愛情觀可以細水長流，不過直指：「如果遇到另一半都係咁，係可以細水長流，不過都好悶囉﹗」
江美儀笑李佳芯係古代人，伍姑娘搞笑拉起李佳芯搞笑話：「你出番去換番古裝衫先﹗」
江美儀爆最正性愛場所喺洗手間
江美儀大方談性，才令李佳芯不再被迫供。
江美儀就唔同，大方談性事，又話男女都得到享受係一件太正嘅事。當話題講到最佳性愛場所，阿Bob問江美儀試過最正嘅性愛場地喺邊？江美儀面不紅耳不熱就立即答：「洗手間，沖沖吓涼，幾正，唔怕烏糟，可以沖埋身㖭﹗」在旁李佳芯聽到目瞪口呆。
江美儀大方談性同伍姑娘一唱一和，相反三位小花表現好怕醜。
江美儀大方談性事，在旁的當家花旦李佳芯、高海寧、龔嘉欣自愧不如，得個聽字。
高Ling被騙做小三 伍姑娘：睇你嗰樣都知專搶人嘢
伍詠薇又傾到出軌呢個話題，高Ling自揭曾被男友呃做咗小三都唔知，高Ling：「我試過被分手被背叛，之前變咗小三，仲呃咗我半年，最後佢選擇咗個女仔。」伍詠薇一臉不信任仲兇高Ling：「你似係搶開人嘢喎﹗」高Ling話：「我知我個樣似好有殺傷力，不過其實我好易信人﹗」伍姑娘不肯罷休：「你似搶人嘢 ，成個葉繼歡咁拎住支AK47咁掃。」受過情傷的高Ling指從失敗中成長：「我覺得係成長經歷，我會祝福佢哋。」
高海寧自爆做過小三。
原來被當時男友呃住，所以做咗小三半年都唔知，高海寧怪自己太易信人。
高海寧話自己太單純太易信人，伍姑娘直指對方個樣唔似，似專搶人嘢嘅小三。
高Ling話明白自己外表似好有殺傷力。
伍詠薇話高海寧似劫匪，仲以葉繼歡嚟形容佢。
龔嘉欣亦大方談及過去戀情經歷，透露曾被男友欺騙，出面有第三者，到最後因心軟而原諒對方。
龔嘉欣自揭曾受情傷，仲反問大家：「你哋未試過咩？」講時一臉愁容。
