SHINee回來了！《姊姊太美》勾回憶
韓團SHINee出道邁向14年，成員溫流、泰民、珉豪、KEY現身人氣綜藝《認識的哥哥》，登場立刻表演《姊姊妳太美了》、《Ring Ding Dong》、《Lucifer》等串燒金曲，讓現場陷入瘋狂。去年底才退伍的珉豪藉著上節目哭訴KEY對自己「已讀不回」，還在自己退伍當天給他嫌惡的表情，讓珉豪忍不住喊：「這是我一輩子的傷口！」
一向愛抽水博出位嘅林作因為一句「抄我100萬？」，結果辣㷫「工廈大王」孫仔有百億富三代之稱嘅鍾培生，引發一場搏擊擂台賽，鍾培生豪言只要林作肯上台，無論輸贏都會送出100現金畀對方，正當一眾網民食住花生等睇戲時，林作採取顧左右而言嘅態度，一直都冇正面回應係咪上擂台，搞到網民話佢冇膽縮沙，催促佢上定唔上快啲畀個答案。呢日林作喺社交網發文：「我的條件，絕對不會這麼苛刻。」並列出10大疑似上擂台條件。
林作講明唔會開出上述咁苛刻嘅條件，即係呢啲規矩唔關佢事，相信都係好友或網民向佢提出「意見」，而佢亦未有明確答應肯打，不過一眾等食花生嘅網民已經等唔切，不停留言鬧林作，話佢怕死淆底先會講咁多之外，仲好多人都覺得佢輸梗！
而鍾培生方面亦有回覆林作呢個發文，話自己都係學咗4個月就打第1次擂台，唔介意畀夠半年對方練習，仲拒絕閉門作賽要求：「香港人嘅事一定要全香港一齊睇。」最爆嘅係佢唔係得個講字，表明已經send咗合約畀對方，星期一就可以簽！究竟林作最終會唔會簽約好快就會知結果。
