「佐治」張明偉屋企有來頭 老豆曾任三料議員 伯父係電盈前高層張永霖
上星期六晚播出嘅《愛．回家之開心速遞》，係飾演補習天王佐治嘅張明偉最後一次出場。張明偉上個月宣布會離開劇組，早幾日出席活動時都透露會離開TVB，合約幾個月後就完。佢又承認有公司向佢招手，但係「十劃都未有一撇」，nike sneakers並且想之後發展自己有份嘅樂隊。
難得拍《愛．回家》入屋，稍有知名度就離巢，係咪嘥咗個機會？唔緊要，原來張明偉家底唔錯，老豆同伯父都係社會賢達，有本錢做自己想做嘅事，梗係闖吓啦！
早幾日張明偉喺IG 出post提到同第一次同爸爸入馬場，玩得好開心。做得馬會會員梗係有來頭，張明偉老豆張永森係律師，1973年港大畢業，1982年獲委任為深水埗區議員，1985年起透過選舉出任該區民選區議員至2019年，nike store其中喺2016－19年間更成為深水埗區議會主席。此外張永森1989－1999年做過市政局議員，1998－99年更出任立法會議員，換言之張永森有好一段時間係「雙料」甚至「三料」議員。張永森亦獲政府委任為太平紳士，2016年更獲銅紫荊星章。
而張明偉伯父張永霖都係大名鼎鼎，曾經係國泰航空副董事總經理，並獲邀參與港英時代中央政策組工作。90年代張永霖加入電訊盈科前身香港電訊出任CEO，被譽為打工皇帝。張永霖更加係李澤楷收購香港電訊交易嘅重要人物，至2004年辭任電盈副主席，有傳當時離職酬金高達4500萬。2008年張永霖加入亞洲電視成為執行主席，曾經豪言三年內令亞視轉虧為盈，不過一年後就以董事局有不公平情況為由辭職。
尚無回應.