「跑友」鮑起靜：我哋拍咗條片同佢打氣！
藝人鮑起靜曾與廖啟智一起跟周潤發跑步，對於「跑友」不幸患胃癌，她說：「佢都冇跑好耐啦，有幾個月，記得上一次係舊年年尾佢哋同周潤發去跑過，我就冇去。（知唔知佢有病？）其實都唔係個個知，之前我哋成班都拍咗條片同佢打氣，雖然佢冇覆，但敏兒就話多謝大家，唉！佢本身又唔煙唔酒，希望佢快啲冇事啦！敏兒都要好好保重。」
歌手賈思樂跟廖啟智與陳敏兒都是多年老友，他昨晚在電話中驚訝地說：「我完全唔知廖啟智有病，你咁講我好Surprise。」他坦言很久沒有跟兩人見面：「我見敏兒多啲，廖啟智因為成日拍戲，所以少見，平時見到敏兒，通常大家都會同佢講問候吓你老公，舊年我同敏兒有見過，佢冇任何異樣，聽你講完，希望佢冇事，我會打電話畀佢關心吓，睇吓佢咩情況。」而曾與廖啟智合作無綫劇集《律政強人》的李佳芯，對於前輩患病表示不知情，並向他送祝福：「希望佢安心養番好個身體，期待再同佢合作！」
尚無回應.