張彥博為品牌擔任代言人，早前他抽空與18歲的業餘模特兒多多拍攝廣告片。飾演便利店店員的阿博，當日頂著36度高溫，不斷搬搬抬抬，但仍努力配合做出傻更更表情。

親自為廣告撰寫及彈奏配樂的阿博，笑指廣告中的角色與年輕時的自己很相像：「嗰時我真係戇居居，未見過世面又學人膽粗粗追女仔，結果初戀只係拍咗3日就俾人飛咗！死因係悶得滯。」阿博又自爆成功覓得該段初戀，是靠自彈自唱李克勤的《當找到你》表白，聽落都幾冧。 張彥博自認初戀死因係悶得滯。