彈金燕玲浮誇反面
阿關對自己執導的電影向來要求極高，拍攝《地下情》期間，更與好友金燕玲「短暫交惡」：「佢頭幾日嘅呈現好Overact（誇張演繹），可能覺得咁重戲畀到自己，難能可貴啩！佢同蔡琴一齊唱歌嗰場，我同佢講蔡琴好從容，佢聽到唔開心，覺得好Hurt，點解要攞佢同蔡琴比，佢演過幾部戲呀！」幸得區丁平做「和事老」，二人才冰釋前嫌：「我當時都處理得唔好，忟咗少少，用錯咗方法，佢知我着緊佢嘅。」
至於成龍擔任《脂胭扣》監製時曾「擅作主張」，令阿關氣結：「拍攝時佢冇意見，但睇完試片就話要重新剪片，又話要補吊威吔同特技鏡頭。我全程唔知，係有人暗地裏通知我，我打畀陳自強（成龍經理人）講，如果改一格菲林，麻煩導演一欄唔好落我個名！」
尚無回應.