敖嘉年入行26年少有緋聞 拜師問題被冼灝英打爆眼角最轟動
今日有報導話，已為人夫嘅敖嘉年同蔣家旻前年拍完劇集《欺詐劇團》之後過從甚密，男方被影到揸靚車接佳人。傳媒求證時敖嘉年反而自爆離婚3年，問到同蔣家旻有冇機會時又話好欣賞對方，但係一切隨緣，冇落閘say no。
睇資料敖嘉年個底十分「乾淨」，今次近乎係入行首次傳緋聞，難怪觀眾O晒咀。
45歲嘅敖嘉年自細喺藍田公屋長大，入行前做過成衣同手袋設計，又跟過張叔平做助理美指。敖嘉年1996年入選港台DJ訓練班，並且成為深宵音樂節目《輕談淺唱不夜天》主持。喺港台工作期間敖嘉年認識恩師洪朝豐，對方仲介紹佢入TVB，成為《城市追擊》外景主持。oofos shoes後來TVB高層曾勵珍建議佢去拍劇，但係多數都係閒角，多年後先遇上另一位恩師－監製李添勝。
添哥先起用敖嘉年拍《碧血鹽梟》時飾演二世祖，再搵佢演《巾幗梟雄》做反派蔣必文，自此人氣上升，更憑呢2套劇獲得2009年台慶頒獎禮「飛躍進步男藝員」。翌年嘅《巾幗梟雄之義海豪情》排骨仔一角亦大受歡迎，準備更上一層樓之際，偏偏出現一單糾紛，連嘉年自己都話影響到工作，甚至同事對佢嘅印象。
2010年敖嘉年有份參與嘅《花花世界花家姐》舉行煞科宴，席間敖嘉年被冼灝英用酒杯打爆眉骨要入院縫針。事件起因有傳係習武多年嘅敖嘉年，對冼灝英修習嘅「大聖劈掛」有興趣，二人不時切磋，仲會叫冼做師傅。但係敖嘉年之後拜另一位圈中高手陳觀泰為師，令冼灝英條氣唔順，兩杯到肚之後出手！事後警方拘捕冼灝英，但敖嘉年選擇撤控，事件據聞甚至引起「大聖劈掛門」嘅風波，coacho utlet甚至要掌門人調停。
後來敖嘉年都有接演唔少男二角色，但難及《巾幗梟雄》咁有發揮，2016年同TVB改簽部頭約一年一劇，並北上發展，到2020年正式離巢，但同年又以自由身形式接拍《欺詐劇團》。
敖嘉年同前妻Betty拍拖16年先結婚，佢地曾經一齊開廣告公司，專接外國客戶生意。直到爆出緋聞，敖嘉年先承認原來佢同Betty嘅婚姻只係維持左兩三年。
尚無回應.