日本6歲女童化妖艷妝
近排網上就瘋傳一位6歲日本小妹妹濃妝艷抹嘅相，相入面佢戴住超長濃密假眼睫毛，搞到遮住晒隻眼，又見唔到眼珠。都仲未夠恐怖，佢仲塗上白色眼影、超深鼻影、一頭金毛。雖然日本網民都睇慣㗎妹化濃妝，不過今次佢哋都頂唔住，仲不斷留言話：「我想睇吓佢父母個樣！」、「幽靈呀！」、「身份不明嘅生物！」等等…
不過亦有傳話其實呢個濃妝並唔係小朋友自己畫，而係佢位作風超大膽嘅媽媽，為咗令佢個女與眾不同而設計。呢位媽媽已經有前科，佢除咗自己都係一個濃妝派之外，當年佢6歲嘅仔仔要參加小學入學典禮，佢就幫佢個仔染咗一頭金髮、一身型仔打扮、加對名牌鞋，成個牛郎咁去出席。
尚無回應.