蝦頭食色性也 爆笑床戰曹永廉
曹永廉與楊詩敏（蝦頭）於劇中名副其實的「臭味相投」，一對玩家撻着、分手又復合，情路迂迴。阿廉扮演的角色「閱女無數」，蝦頭則經常玩弄男伴於股掌之中。其中一場戲講述後者「禁慾」多時，2人借醉撩起慾火，演出踩界，拍攝時被蝦頭伸手入浴衣狂摷的阿廉說：「同佢合作可以去到好盡，大家專業都知點做，唔擔心畀佢話揩油！」
之後2人情海翻波被朱智賢「介入」，阿廉笑說：「我同朱朱由鬥氣到拍拖，後嚟因為蝦頭發生咗啲事，我好緊張，朱朱就主動叫我返去照顧佢。（咁現實生活中佢哋邊個啱你啲？）冬天蝦頭多肉暖啲，朱朱四季都差唔多。」而講到戲中與朱朱有幾場拳擊戲，他打趣說：「都辛苦o架！有時都好難避免『食晒』，佢就成日同我講唔好意思。」
尚無回應.