48歲馬蹄露半裸寫真：要對自己有信心
48歲馬蹄露半裸寫真：要對自己有信心 – 香港新浪
以演惡女出名嘅馬蹄露除咗係好戲之人，其實都係性情中人，仲好有愛心。有報導指佢家全大埔，不時會買嘢食畀街邊嘅公公婆婆，唔少街坊都讚佢真人好nice。感情生活一直好低調，之前於周刊訪問承認先後同兩位外藉男士拍過拖，不過因為唔想結婚生B，所以最終都分手。
48歲嘅佢無時停，最近重話受中國郵政邀請，本來係影吓靚相出postcard，之後仲影咗一輯半裸性感照。只得31A iPad胸嘅佢仍然拍得好性感，該輯相由攝影師Daphne Chan操刀。
馬蹄露話阿媽同家姐都笑佢冇身材學人影寫真，但佢就同周刊講想畀其他女性知道，要對自己有信心，「只要打扮得宜，豬扒都可以變女神。」佢仲話「唔一定大波先可以影寫真嘅！」呢本唔sell胸嘅寫真計劃10月出，仲揀咗景靚嘅沙巴拍攝。馬蹄露本來打算影相私人珍藏，不過見出嚟效果幾好，可能會搵老闆投資出寫真都唔定喎。
唔知巴絲打們點睇呢？
尚無回應.