崔碧珈出海拗G奶爆乳JJ天台曬E 推出處女寫真集
擁有36G澎湃身材的女星崔碧珈形象火辣，經常在電影飾演性感尤物，今年她將於書展推出處女寫真集，大玩運動風，並以「一萬小時運動練成魔鬼身形」做賣點，希望外間注重其身材線條而非刻意賣弄性感。
曬到甩皮敷體膜
Anita中學時期已開始運動，直到現時她的運動時數不少於一萬小時，她說：「我自小係球隊成員，又鍾意行山、跑步、踩單車，拍寫真前我更加注重減脂，用咗兩個月做適合嘅運動同調節生活習慣，希望帶到正能量畀大家。」寫真除了必要的泳衣及內衣照，也有穿性感運動服做Gym及睡衣等，其中一輯相Anita穿粉紅Bikini坐遊艇出海，外號「崔Big瓜」的她當然冇令人失望，又坐又瞓又拗腰晒G Cup「西瓜胸」！她直言最愛拍泳照：「今次喺無人沙灘拍，原來香港有咁靚嘅沙灘！比較難忘係坐遊艇，我本身易暈船浪，拍攝中途要暫停，亦因為連續拍外景多日，皮膚曬傷到紅腫又甩皮，第一次曬到咁傷，返屋企要塗滿全身蘆薈體膜。」
Anita面對的寫真對手不乏「好波之人」，當中前FFx成員、有「爆乳JJ」之稱的葉梓嵐（Karen）擁32E警鐘胸，身高只得1米53的她「人小志不小」，自信憑的骰身材突圍：「通常啲人覺得愈高愈好，但我認為細粒反而係優點，視覺上畀人與別不同感覺。」近年Karen愛上做Gym，近期更不停狂操，葫蘆身形不讓Anita專美。講到最難忘相片，Karen笑言是在天台影性感照：「對面嘅市民食緊飯，望出窗口就見到我，感覺似畀人監視住咁。」
|
|
|
|
姚紫茵烏身餵粉絲
另一巨胸o靚模「翻版黃智雯」姚紫茵（Bonnie）Sell微胖身形，力證肉感一樣有市場，寫真中她狂晒36D身材，更玩濕身誘惑！昨日她穿Bra Top谷胸出席寫真發布會，烏身整熱狗餵男粉絲食，好友黃榕亦穿兩側通窿裙撐場。Bonnie自爆影寫真後曾整容：「影之前淨係做Facial同箍牙，影完就整咗雙眼皮同眼袋，只係微整型，冇開刀，開刀嗰啲唔夠膽。」她又指破格拍半裸寫真，希望大家關注乳癌，寫真部分收益會撥捐乳癌基金。問露點是否OK？她說：「唔得，要留畀老公睇。」
|
|
|
崔碧珈
年齡：28歲
三圍：36G、25、35
簡歷：太陽娛樂文化旗下藝人，出道時外號「G奶謝安琪」，在電影《老笠》及《PG戀愛指引》中都有超性感演出。
葉梓嵐
年齡：23歲
三圍：32E、23、32
簡歷：有「爆乳JJ」之稱，前組合FFx成員，其後單飛做模特兒及DJ。
姚紫茵
年齡：21歲
三圍：36D、26、36
簡歷：有「翻版黃智雯」之稱，曾拍電影《重口味》、《少女打擂台》等，當中在《有客到》被Eric Kwok姦屍較令人印象深刻。
尚無回應.