Anson Lo盧瀚霆生日應援浪接浪神徒豪擲6位數租郵輪巨型廣告牌連李司棋都去打卡

今日（7日）係MIRROR成員「教主」Anson Lo（盧瀚霆）嘅26歲生日，粉絲「神徒」們為佢花盡心思準備一連串嘅生日應援，ecco shoes今年嘅規模比上年盛大得多，豪擲過百萬賀壽，除咗喺尖沙咀天星碼頭租咗巨型廣告牌、於巴士車身及巴士站燈箱下廣告及於偶像專屬嘅排舞室舉行為期4日嘅展覽等等。另外，「神徒」仲打算以「教主」嘅名義成立慈善基金。

近日「神徒」們以6位數字喺郵輪船身用LED燈砌字為偶像慶生，郵輪公司更喺Facebook出PO：「鏡粉注意雲頂夢號將於聽晚8:00-8:30pm期間，喺杏花邨及小西灣海旁一帶出沒，為Anson Lo教主送上神秘驚喜」，相信今晚會有唔少「神徒」去打卡。

喺噚晚，大前輩李司棋（司棋姐）都有到尖沙咀嘅巨型生日廣告牌前影相，並上載相片到IG留言話：「到海港城購物，hey dude shoes途中看到很多Anson Lo fans爭相拍照，我也影埋一份，年輕偶像好厲害。」之後，Anson Lo亦有喺司棋姐IG留言「多謝司棋姐」。

「教主」嘅應援生日活動真係一浪接一浪，相信粉絲嘅心意Anson Lo都會收到，喺今朝Anson Lo仲同經理人花姐（黃慧君）去到尖沙咀，喺巨型生日廣告牌前打卡留念。