早前女神Angelababy高調去到整形醫院做鑑定，最後證實佢並無做過臉部整形手術，困擾多年嘅整容傳聞終於告一段落！不過都係嗰句，唔係個個都好似Baby咁大方公開任驗。繼早前嘅《十大整形女神》，新地網依家為大家送上男版嘅《八大變形金剛》，睇吓有邊啲男星識得好似柯柏文咁變變變！

戒水戒油大變身 沈震軒

型男沈震軒出道時寂寂無名，後來被Paco睇中，之後一直平步青雲，仲愈來愈型仔！相比初出道時，沈震軒眼皮變深，放電冇難度之餘，連至hit臥蠶都有埋。而鼻樑亦變得又高又窄，同塊V面襯到不得了，比多年前出道時更似古天樂。對此沈震軒就話︰「我其實天生係雙眼皮，不過係內雙眼皮所以唔明顯，依家都係多用膠紙加深效果。」至於面形上嘅改變，佢就話︰「以前拍劇時成日食宵夜，食飽就瞓，所以面容腫脹。不過依家臨瞓前兩個鐘戒油戒水戒鹹，將從小嘅習慣改變咗。」

襯晒楊怡 羅仲謙

謙謙初出道時輪廓已算突出，不過隨着人氣一直升，五官都愈來愈靚喎！首先天生嘅pizza面唔見咗，變成瘦削V臉。鼻翼由闊變窄，鼻樑顯得更堅挺，同女友楊怡個鬼婆鼻好匹配。加上依家成對眼勁有神，望耐一陣都俾佢電親！謙謙就話︰「我入行都已經有一段日子，樣唔同咗都係好平常嘅事。」不過佢就重申唔介意人哋整容，因為只係一種愛美嘅表現。

跑步瘦面 胡鴻鈞

歌手胡鴻鈞2010年於《超級巨聲2》奪得亞軍入行，向來賣歌喉唔賣樣嘅佢歌藝有冇進步就唔知，不過個樣就肯定唔同晒！由2010年嘅 1.0方形面，進化到今時今日嘅V煞面 6.0，被網民戲稱「削骨還父」，同哪吒一樣咁孝順！

其實對於削面傳聞，佢曾經話︰「其實係跑步嘅成果，運動同節食雙管齊下，所以形象有所改變」。佢仲強調屋企人管得好嚴，根本唔可能整，否則會「俾阿媽斬死」。其實不久前胡鴻鈞先喺星星負皮卷再次否認整形 ，佢強調話︰「我都好想認但因為冇做過，真係有嘅就唔怕同大家講。」，之後仲自嘲已經進化到7.0！

神奇刀削面 鄭嘉穎

年輕時嘅鄭嘉穎包包面，甚具福相。不過自從喺台灣返嚟香港後就神奇地發展為「刀削面」，下巴尖一尖，而面部肌膚無鬆弛之餘仲愈來愈緊緻。對此嘉穎話自己後生嘅時候baby fat未除，仲出動證人︰「好在有同年出道嘅馬浚偉做證人，我嗰時喺台灣有錢都用晒去食飯同交租。」證明佢真係冇執過。咁即係嘉穎自己回春有術啦，難怪至索港姐陳凱琳都俾佢迷倒！

原來是美男  黃曉明

如果睇返海綿大哥以前啲相，佢嘅相貌可以話係十分平凡。眼細細，鼻子圓圓扁平，唔覺有咩星味。不過同唔少男星一樣，黃曉明嘅樣貌都係隨住人氣上升而改變。依家嘅佢眼睛大咗精靈咗，下巴尖晒，再加埋筆挺嘅鼻樑，簡直係男神嘅模範！最勁係連女神Angelababy都嫁埋俾佢，真係冇得輸！

對於樣貌上嘅改變，黃曉明就話聽到好難過︰「因為大家都只喜歡八卦新聞而非事實。」佢透露自己有段時間激減磅︰「我曾經重155斤，现在只有130斤左右。」，所以成個人都唔同咗，一切都是「減肥惹的禍」。嘩講到好勉強咁喎，不如變返以前咁好冇？

十年前後 劉愷威

雖然有個星級爸爸劉丹，不過劉愷威喺香港嘅演藝事業並唔順利，多年來喺TVB都係演閒角居多。於是佢05年轉戰內地，10年後嘅今日已經喺內地紅透半邊天，躋身一線小生行列，仲娶埋個索老婆楊冪。不過唔少觀眾就話冇見一排幾乎唔認得劉愷威，因為依家嘅佢雙眼變得炯炯有神，鼻變得挺拔有型，由當年帶點呆嘅薯樣進化成男神。雖然近年大家都對佢嘅外貌議論紛紛，但劉愷威都只係話︰「總之沒加過東西，也沒拿走過東西，沒開過刀，就是這樣。」既無承認亦無否認，一切交由大家自行判斷。

翻版炎亞綸 汪東城

台灣男藝人汪東城以組合「飛輪海」成員身份出道，初出道時嘅佢面形腫脹，不過依家下巴尖一尖，成塊面縮細咗咁。大細眼變電眼，扁平鼻子變得愈來愈高，愈來愈似以前嘅炎亞綸…點解係以前？因為依家嘅炎亞綸都已經去到另一個層次，直頭係韓國人一樣。大東就話︰「以前有水腫和baby fat，不過之後勤於健身，所以不單身材變fit，五官都變得立體。」就連佢所屬公司都曾經話大東只係受惠於現時精進嘅化妝技術，所以比以前上鏡。明白晒！

無敵黐膠紙 羅志祥

有亞洲舞王之稱嘅「小豬」羅志祥，出道時係單眼皮，不過近年雙眼皮愈見明顯，依家嘅佢簡直係擁有一對迷人電眼，仲有下巴都尖咗唔少。小豬就話︰「我都是用貼的」，原來係用咗雙眼皮膠紙嘅效果，呢幾年來係咁黐係咁黐，久而久之都變成雙眼皮。佢成日話自己工作太忙，邊有時間整，仲曾經表示話︰「我不想跨出那一步(指整容)，做了便不能笑別人。」所以真係唔可以睇少雙眼皮膠紙嘅威力！

內地出名山寨景點多，當中遼寧大連一個山寨「水都威尼斯」無受網民批評，美景讓他們引以為傲。

這個山寨威尼斯位於大連鑽石港灣，正名實為「大連威尼斯水城」，以意大利威尼斯為藍本，將海水引入四公里人工運河，在保持「歐洲水城精神」同時，形成極具特色的水城空間。

別以為山寨等於「求其」，這個「水城」由法國設計師團隊設計，佔地40萬平方米，耗資50億元人民幣建設。山寨威尼斯「假得好真」，難怪居住當地的網民都紛紛表示「沒有很山寨啊，我覺得很美好不好」、「怎麼建的好看就叫做山寨的，這我就不高興了，大連超級美好嗎」，並直言引以為榮！

近年來，內地出現各式各樣的山寨地標建築，如山寨白宮、山寨羅浮宮、山寨艾菲爾鐵塔、山寨獅身人面像和山寨金字塔等。

習近平一行人參觀了中英企業的創意產業展覽，先後觀賞了倫敦戲劇音樂劇以及中國歌舞團表演。

史上最貴的分手！瑞士法庭2014年5月裁定，俄羅斯億萬富豪萊波羅列夫（Dmitry Rybolovlev）與前妻伊蓮娜（Elena Rybolovlev）的離婚贍養費，總共要價40億瑞士法郎（約新台幣1260億元）。

萊波羅列夫與伊蓮娜結婚23年，育有2女，大女兒葉卡潔林娜是社交名媛。2008年起開始打離婚官司。2014年5月法庭作出裁定，萊波羅列夫需給付前妻一半家產，40億瑞郎。事後雷波洛列夫與前妻公開聲明，兩人已「達成離婚條件協議」，讓為時長久的司法程序畫下句點，但聲明中並未提出金額。

最終法院裁定萊波羅列夫必須付前妻伊蘭娜40億瑞士法郎，兩人上訴到最高法院達成協議後此案便完結。