受新冠疫情影響，Marvel電影《尚氣與十環幫傳奇》拍攝進度多番延誤，昨晚喺男主角劉思慕32歲生日公布首個預告片，2分鐘片段一出，竟然一面倒負評！

Marvel電影係票房靈藥，套套大收，《尚氣》係漫威電影宇宙第4階段關鍵作品，加上金球影后Awkwafina、華人巨星梁朝偉、楊紫瓊以及我哋熟悉嘅陳法拉主演，點解會慘遭負評？

話說《尚氣》未拍已遭內地網民大叫罷睇，因為梁朝偉飾演嘅「滿大人」喺原著漫畫中角設為蛇頭鼠眼、心狠手辣嘅歹角，冒牌「滿大人」喺2013年《鋼鐵奇俠3》出現過，形象相當麻麻，內地指角色「辱華」，仲話要罷睇埋梁朝偉！

男主角劉思慕就呢樣爭議澄清過，指漫畫面世已經50年，電影版會與時並重，「滿大人」唔會辱華。依家預告出咗，梁朝偉角色由「滿大人」改成「文武」，著住西裝嘅造型亦相當養眼，不過內地網民一於懶理，繼續聲稱罷睇！

另一負評集中於劉思慕嘅長相，「路人甲」、「唔靚仔」、「符合歐美審美嘅樣」，有人改圖話佢似習近平主席，又話梁朝偉似主角多啲，評價要幾mean有幾mean！其實劉幾設合「尚氣」角色，如果角色變咗彭于晏或者姜濤做，好難相信佢可以隱姓埋名10年避過老豆文武嘅追蹤，肯定大把人偷拍擺上網囉，咁靚仔。

Marvel電影舖排多年，選角又點會求其？華裔演員又咁多，㨂得無知名度、只係拍過加拿大CBC電視台劇集《金氏便利店》(Kim’s Convenience)嘅劉思慕一定有原因，至少佢個爆肌身型絕對合格！

其實電影選角爭議一向都有，之前宣布由Brie Larson做「Marvel隊長」時一樣被負評「大媽隊長」；又或者多年前仲係名不見經傳嘅Daniel Craig，接任成為新一代「占士邦」又係負評不斷，結果Daniel Craig嘅007好睇到不得了，當年「樣衰」變成今日嘅「男人味十足」、「型佬」。話唔定睇完《尚》，觀眾會對劉思慕改觀。其實剩係梁朝偉拍商業科幻動作片都夠吸引力啦。

無綫重頭綜藝節目《開心大綜藝》上星期首播時被網民指太悶同好老土，去到噚晚嘅第二集一口氣播出兩小時，實行硬撼ViuTV首次舉辦的音樂頒獎禮《Chill Club推介榜年度推介20/21》。唔知大家對第二集會唔會有少少改觀呢？而家就同大家睇下網民嘅感受啦！

C君係今集嘅VIP
啱啱播映完畢嘅《尋人記》大受歡迎，於是《開心大綜藝》都唔執輸，食住個勢搵農夫C君化身「方東降」尋人，期間仲有爆出唔少金句，包括「風唔會吹人，歲月先會催人」及「呢杯係Tina斟俾我嘅水，呢杯係「Tina水」」等等。唔少網民都紛紛留言大讚佢，例如「除左方東降， 其他麻麻好笑」、「最好笑都係c君果part」、「扮方東昇真係好神似」、「又係農夫揹起大部份笑點」、「成晚得一個方東降好睇」、「真係得農夫攞分」及「「c君果part將尋人記每句金句都用得恰當 好睇」等等。

遊戲環節繼續得個嘈字
除咗《沉人記》及《公關頒獎禮》環節之外，節目仲安排咗遊戲環節，不過就同上一集同樣負評如潮，唔少人都話好嘈同好差，紛紛留言話：「遊戲呢 part 得個嘈字」、「好悶…8成時間都係廢」、「玩遊戲最差」、「屋企人開係度,聽到少少,得個嘈字」、「Cut 晒D遊戲啦」及「呢D game小學生都唔玩」等等。

扮嘢環節老土 睇到好尷尬
今集節目繼續安排藝員進行扮嘢環節，例如林盛斌扮「郭富城」、盧宛茵扮「衛蘭」及江美儀扮「莫文蔚」唱歌跳舞。節目出街後，唔少網民都覺得好老土，例如話：「呢D扮野唱歌睇到好尷尬….」、「仲叫著褲城, 廿年前已經覺得唔好笑啦」、「咩年代呀 仲靠e招」、「所謂加料就係扮嘢節目，真係抵人寸你」、「唔好再扮啦，而家已經20年代，唔係80年代，呢啲野係半世紀前嘅節目」、「點解今晚睇得咁尷尬」及「睇到好尷尬，仲拖到咁長」等等。

關注度超高的內地節目《乘風破浪的姐姐2》前晚舉行「成團之夜」，樂壇天后容祖兒和內地靚聲天后那英等大熱門眾望所歸，以高票數順利組女團X-SISTER，惟人氣一直高企的張栢芝，最後竟得35萬票，慘遭淘汰，票數令網民震驚，紛紛炮轟及質疑有黑幕，為她抱不平！

眾多「姐姐」前晚在長沙舉行的成團之夜中進行最後對決，在觀眾投票下選出7強，組成女團X-SISTER。由那英及周筆暢率領的兩大組別全晚惡鬥，7名以高票數組團出道的「姐姐」是容祖兒、那英、楊丞琳、周筆暢、王鷗、楊鈺瑩及吉克隽逸，那英更是全場得票最高，獲得逾542萬票成為第一名。一直是節目焦點的張栢芝，雖多次自嘲手腳不協調，歌藝及舞技較其他「姐姐」遜色，但其努力不懈令觀眾愈看愈支持，更指她是女團的不二之選。前晚她全力以赴，雖然表演時曾發生小失誤，但仍無損其支持度，惟最後竟然只得359,725票，未能成團出道，結果令全場嘩然！

承認跳唱很笨

最殘忍的部分，莫過於張栢芝親自讀出自己的票數，雖然她當時已知落敗，不僅非常大方向成功入選者主動擁抱外，其一番話真情流露，更成為網上熱搜！她說：「雖然曾經對自己的聲音不自信，卻因為這個舞台，我愛上了自己的聲音，也感謝那英隊長，感謝你們說我的美麗，但是我希望我的美麗，不會讓我的努力懶惰！」她續說在唱跳方面很笨：「在舞台上我不知道怎麼跟其他姐姐一起唱跳、跟得上她們，哪怕我不懂飛，我會努力去跑，哪怕我跑都不夠她們快。這節目之後，我不會放棄自己，會為明天努力，風吹即飛揚，風平則靜安。」

雖然張栢芝視落敗如浮雲，但網民們幾乎一面倒質疑票數，為她抱不平，認為票數有「水分」兼有黑幕，因直播期間，栢芝的票數只僅次周筆暢，但最後竟7強不入，故認為她慘成「工具人」，意指節目組利用她為節目帶來熱度，但卻不給她出道名額。網民留言：「這個名單，真的是猜錯比猜對更難」、「這個票沒水分才有鬼！栢芝的排名怎可能那麼後」、「竟然沒有栢芝！大家都猜錯了」、「這一季熱度本來低，都是張栢芝大大提高話題度」、「太不合理，她的位置被換嗎？」

祖兒贏假想敵

至於歌精舞勁的容祖兒當然不負眾望，以約174萬票成為第4名，她笑言將41歲，所以不想做容易的事，要向高難度挑戰才不會老化，她更以其歌曲《Pretty Crazy》來搞gag：「一個人敢於瘋狂，是非常Pretty（美麗）的事情。我向來有兩個假想敵，就是阿Sa及阿嬌，我現在可以狠狠的告訴她們，我已贏了她們，因她們是Twins是雙胞胎，但我們有一起乘風破浪的7胞胎！」昨日她發文稱參加節目，是因為媽媽鼓勵她將21年的功力可在舞台上發揮：「遺憾是她沒有來到現場看我最後一場的表演，但是我知道她永遠都會支持我，這樣已經足夠。」身為樂壇天后的她，雖然在內地的知名度已相當高，但《浪姐2》令更多內地觀眾見識其舞台王者風範，據知有不少廣告代言及綜藝節目出高價向她招手，身價當然比前更高。