Archive for the ‘ 香港 ’ Category
佘詩曼前晚於上海出席珠寶首飾鑑賞晚宴，身穿一條吊帶白色長裙、配以名貴首飾的她，仙氣爆發，不論身材、樣貌都同樣養眼。
阿佘受訪時坦言愛美是女人的天性，自己跟很多女士一樣都是超級貪靚，當中小飾物更是她的至愛。她說：「我記得4歲嗰陣已經好鍾意飾物，有一次同媽咪行街，見到一隻心形、中間有粒石嘅耳環，好鍾意，媽咪同我講穿耳好痛，但我話唔怕，我真係好想要！咁細個都鍾意小飾物，我覺得女仔或多或少都係要戴飾物襯托吓！」平日見阿佘出席不同場合時總愛戴上手鐲及戒指，她笑說：「我鍾意o架！平時出街都會專登襯，戴唔同嘅戒指，試過有日唔記得戴，周身唔自在咁，最後都即時喺街買咗隻戒指，成個人舒服晒！」
藝人周勵淇去年為內地演員老公傅浤鳴誕下一子後，專心留在家中相夫教子，早前她在社交網上載到農場遊玩的短片，生活相當寫意。不過，原來她已秘密復工，日前晒出開工照，留言：「久違了的工作，愉快的一天，感謝所有工作人員。」相中的她神采飛揚，狀態大勇，又與大束鮮花合照，透露有人探班：「有人送花探班特別開心！」看她的幸福笑容，相信是老公「人肉速遞」。
【星島日報報道】亞洲心動娛樂（AMM）副總裁林文龍日前與好友謝天華作客音樂節目《限聚音樂Hear To Feel》，二人不但暌違15年再度合作，還首次在節目上同台開金口，又大談湊女經和演藝路上辛酸。
文龍憶述從訓練班畢業後，曾當了兩年的茄喱啡：「古裝片一定飾演衙差，時裝片就 住『大哥大』跟黑社會大哥；我試過在《太平天國》同時扮演四個角色，演完清兵、再演舉人和死屍，因為公司計算很精準，臨時演員以日薪計算，訓練班的人拍幾多日都係一樣薪酬，所以我 好好用。」天華也坦言從歌手轉型為演員的過程中，曾為了演出機會做盡奸角：「例如姦淫擄掠、打女朋友、變態殺人犯等等，我唔介意，乜 角色都做。」
近年不少星二代跨足影視界，問到二人會否支持子女入行？文龍即時say no，更笑言拒絕提名女兒參選港姐：「目前為止我覺得我個女應該唔會，因為佢個性內斂， 學校 泳衣上游泳堂，佢都唔係好想，所以佢見到人 參加港姐，都會擰晒頭。（如果佢話媽媽都係港姐出身，然後識到你呢？）我會同佢講，唔係個個都咁好彩 ，哈哈哈！」天華則會放手讓仔女嘗試，不過談到若然女兒擁有港姐夢，他即笑言拒做提名人。
【星島日報報道】孫慧雪昨日接受電台訪問，自言肥了的雪雪被問到是否減肥失敗？她笑言是減肥後出現了皺紋，相信是減肥減太快所致，笑稱有藉口讓自己回復增肥。雪雪表示最近有與林芊妤（Coffee）見面，討論後自覺減肥方法錯誤，戒盡澱粉質容易反彈，因此改用做運動減肥，早前去跑步，發現跑1個鐘便減了1磅。雪雪又指很羨慕Coffee有22吋腰，她希望由26減到24吋，又指是最難減的部位。提到Coffee早前透露流產，雪雪稱Coffee心情不錯，因感受到大家都很關心及支持她。
另外，提到好友陳積榮積極抗癌，雪雪表示有幫忙他執屋，而他日前接受了第二次化療，情況是一日比一日好，稍後會帶些食物給他補身，形容對方意志力堅強。
【星島日報報道】英皇電影《不日成婚》笑點密集，其中被公認為引爆哄堂大笑的驚喜場面，首推朱 康（朱康）想傳短訊暱稱片中談善言飾演的惡妻為「傻瓜」，卻不慎打錯「傻西」，片中兄弟陳家樂及岑珈其於群組看到兄弟「有難」，替他加油打氣望他及時撥亂反正，場面緊張又爆笑！
原來這個笑話恰恰出現在家樂身上，他自爆：「直至這一刻，我都不太懂得去打這個『瓜』字，跟戲中的灰熊一樣，唯有先打個『西』字，再搜尋個『瓜』字，慶幸未試過不小心忘記刪去個『西』字，但已感覺這個笑話好真實！」
朱康記得拍這場戲時導演剛提出「忍笑龍虎榜」比賽，最不能忍笑的要罰請食飯，朱康推測誠實的家樂是「請客」大熱，因他每次都主動招認自己忍不住笑，不過他吸取教訓後，漸漸學懂跟導演說忍不住笑是他的演技。
【星島日報報道】ViuTV破天荒舉行《最後一屆口罩小姐選舉總決賽》將於星期日（11日）晚直播，有指全力改革綜藝節目的無 當晚出招對撼，全新直播節目《開心大綜藝》於當晚8時半播映。
從在原定節目表所見，ViuTV《口罩小姐選舉》原本安排於星期日晚上8時正至9時半播映，比無 《開心大綜藝》早半小時開始，不過昨日最新版本顯示《口罩小姐選舉》現場直播時間改為晚上8時半至10時，與《開心大綜藝》同時間開始現場直播，正面交鋒。
以「蜜桃胸」馳名的無綫咪神陳庭欣，與創立護膚品王國、身家逾億的楊振源（Benny）拍拖2年多以來，經歷多次感情風波，包括傳男方跟女友的閨蜜蔡佩賢及失婚美容集團老闆方潔盈等傳緋聞，惟陳庭欣靠「忍」功為男友解畫及善後，正印地位絲毫無損，近日更有傳男友為博紅顏一笑，在風水佳的九肚山豪宅共築愛巢。
近日地產界消息傳出，陳庭欣以月租逾10萬元，租住沙田九肚山澐灃單號洋房，該洋房屬4房間隔，實用面積約3,003平方呎，連逾400平方呎花園、逾630平方呎天台及特大車庫，更指她由去年底開始承租，今年農曆新年後正式入住。
愈戀愈富貴
雖然有個有米男友，近年更入住對方名下的西九龍豪宅凱旋門，但出名勤力的陳庭欣依然貫徹「爛做」性格，主持、拍劇乜都做，惟九肚山新居租金明顯與她在無綫的收入不成正比，故有傳Benny才是幕後「金主」，讓女友與寵物有更大活動空間，更有傳今年拉埋天窗。
進駐九肚山的消息曝光後，不少網民嘖嘖稱奇，因本與家人蝸居九龍灣啟晴邨的陳庭欣，早年與前度翟威廉拍拖而開始「升呢」入住鑽石山星河明居，近年再因Benny而「大躍進」，由凱旋門再進駐億元豪宅！
昨日陳庭欣接受本報訪問，大拋金句否認喜訊：「大家Send畀我嘅『恭喜』可以回收喇！因為冇咁嘅事，謝謝！其實都傳咗好多次，天窗就未拉埋，不過今日屋企啲門窗就拉埋晒，因為落雨！大家有心喇，謝謝！」
至於遷入九肚山豪宅一事，陳庭欣卻保持神秘，只說：「住址呢啲咁私人嘅事，希望畀啲私隱我啦！（男友為咗氹你而租？）大家想像力豐富啫！」
早兩日就講過無綫好興搵個名目力谷一班小生上位，好似最近就傳出無綫要力捧被喻為「千禧五虎」嘅余德丞、羅天宇、朱敏瀚、周嘉洛及丁子朗。既然有小生，咁當然會有花旦啦，無綫都有出過幾代嘅花旦，好似有由趙雅芝、汪明荃、李司棋及黄淑儀嘅70年代「四大花旦」，今日就同大家睇下最新嘅「千禧四大花旦」，佢哋包括蔡思貝、馮盈盈、江嘉敏同埋何依婷，大家又認為邊位係未來嘅一線花旦呢？
蔡思貝
2013年港姐亞軍嘅蔡思貝（Sisley），入行後隨即備受力捧，2014年為劇集擔任女配角，2015年就已經升呢做女主角，不過佢嘅劇集角色唔討好，加上演技幼嫩及把聲太尖，令到唔少觀眾都唔鍾意睇佢嘅演出。去到2016年，佢喺《純熟意外》中將聲線壓低，觀眾對佢嘅表現先有少少改觀。近年佢成功憑《踩過界》「癲姐」趙正妹、《大帥哥》章沅婉及《鐵探》招喜悦翻身，獲得觀眾唔少好評。喺今年舉行嘅《萬千星輝頒獎典禮2020》中，蔡思貝憑《踩過界II》趙正妹一角登上視后寶座，成為無綫首位「90後」視后。
馮盈盈
2016年港姐冠軍馮盈盈（Crystal），擔任過唔少節目主持及大騷司儀，例如《 #後生仔傾吓偈》及《學是學非》等等，唔少網民都讚佢夠貼地同真性情。工作機會不斷嘅佢，更於《萬千星輝頒獎典禮2018》勇奪「飛躍進步女藝員」，發展可以話係相當唔錯。除此之外，被視為上位最快小花之一嘅佢亦有參與唔少劇集拍攝，戲份仲越來越重，例如《果欄中的江湖大嫂》MK妹小狼女、《白色強人》方書婷醫生、《反黑路人甲》警花顧欣頤、待播劇《逆天奇案》黑客Ana及《智能愛人》女強人Dorian等等。
江嘉敏
江嘉敏（Kaman）由16歲開始兼職做Model，入行後就開始參與劇集拍攝，扮演學生經驗豐富，不過最受歡迎嘅一定係2017年無綫劇集《親親我好媽》中飾演DSE學生嚴茜瑜，因外表清純及樣子甜美，令佢人氣急升更被封為新一代清純女神接班人。加入無綫短短幾年，佢已經拍過唔少劇集，例如《誇世代》、《福爾摩師奶》及《大醬園》等等，而未出街嘅劇集都有四套，包括《食腦喪B》、《七公主》、《我家無難事》（客串）及《黯夜守護者》，明顯備受公司力捧。
何依婷
2017年港姐亞軍何依婷（Regina），加入無綫後比同期港姐有更多機會，除咗加入《學是學非》做「是非精」及為大騷擔任司儀之外，2019年更開始接拍劇集，上年更憑《機場特警》飾演空姐兼網紅安安而人氣急升。得到網民喜愛嘅Regina，獲得無綫高層點名力捧，早前宣布翻拍嘅經典劇集《十月初五的月光》，女主角君好一角都由佢嚟接棒。
去年成為人妻的藝人岑杏賢（Jennifer），近日在無綫處境劇《愛．回家之開心速遞》中「被消失」，即傳出懷孕消息。日前她相約好友楊秀惠聚會，明顯鼻大大、面腫腫，拍照時又坐下以枱遮肚，避免下半身曝光。
楊秀惠大爆她胃口相當好，2人食唔停：「由於假期我們都吃太多了，所以今天午餐Jennifer要求吃些簡單清淡的，只不過……我們緊接着又再來個下午茶，應該不算太過分吧！」
新冠肺炎疫情持續多時，有「新聞之花」之稱的前無綫主播張文采，在社交網透露斷斷續續發燒了4天，到急症室求醫，但等了數小時仍未能見醫生：「仲以為呢個時勢聽到話發燒，啲人會好緊張，點知等咗幾個鐘都冇人理我，咁我都相信我應該唔係中咗肺炎，因為我嘅症狀只係發燒，所以最後冇見到醫生就離開咗急症室。」
轉往私家診所求診的她，最終仍不清楚出了甚麼毛病：「醫生答唔到我有咩問題，但聽我個肺完全冇事。」退燒後，她笑言輕了幾磅當「賺咗」！
