霆鋒乘勝追擊七位數開網店
近年在商界發展順利的謝霆鋒，繼推出的「鋒味曲奇」大受歡迎長期賣斷市後又有新搞作，斥資七位數字發展網購開設「鋒味店」，除了招牌的「鋒味曲奇」和新產品「鋒味月曲奇」外，更有一系列跟霆鋒聯乘，印有「鋒」字的國際品牌產品，包括德國品牌WMF的煮食用刀具及廚房用品。
霆鋒的經理人霍汶希受訪時說：「主要係好多人反映冇渠道去買鋒味曲奇，所以霆鋒同公司覺得有必要去設立一個賣正貨嘅購物平台畀大家，所以就用公司嘅平台去成立鋒味店，前後用咗七位數字資金。」貨架上還有五款「鋒味小熊」、英國音響品牌聯乘的耳筒和Canon相機，她說：「Canon除咗同成龍合作推出過相機外，唯一係今次同霆鋒合作，稍後霆鋒寫嘅食譜同其他藝人嘅產品會陸續上架，包括Twins同陳偉霆。」
栢芝醫院睇Quintus
此外，因發燒要留院的霆鋒細囝Quintus，有讀者發現霆鋒前妻張栢芝昨日現身醫院門外，相信是剛探望完Quintus，栢芝的經理人至截稿前仍未回覆Quintus的病況，而栢芝好友劉美娟在電話訪問中說：「Quintus前日已經退咗燒，可能因為小朋友發燒會比較反覆，所以栢芝都係聽醫生講畀佢留院觀察多一、兩日。」
《第二十七屆ATV 2015亞洲小姐競選》前日在深圳舉行海選面試，有「巨版肥苟」之稱的27號祝旭冉，當日雖然驚現巨腩肥腿，但勝在外形甜美、對答大方而成為焦點！她受訪時自言拿過選美冠軍，又稱以前只有約100磅！原來祝旭冉的確在2012年參選第三屆湖北小姐，當時身材的確索爆，報稱身高1米72、體重55kg（約121磅）、三圍37、26、37，相比前日體重達152磅，實在差天共地！祝旭冉雖然要收身，但依然不收口，面試前密密食，又韓燒又串燒，面試後又High Tea，難怪短短3年間暴脹逾30磅！
