辭任毛記腦細 林日曦由廢青變億萬上市公司執董
網媒《100毛》嘅「腦細」、上市公司毛記葵涌創辦人之一林日曦尋日宣布離任。林日曦喺個人facebook專頁提到，自言「辭職」原因「怕悶、想有新轉變」、「不是患上絕症、不是打算移民、沒有反目成仇、沒有威逼利誘、沒有內部權鬥、沒有外人收購。」。根據公告，golden goose sneakers林日曦會將手上股份以折讓近9成嘅價錢（800萬）轉售俾另外2位創辦人陳強同阿Bu，另外將小部份股份贈予部份長期服務員工。
毛記葵涌現時市值近2億5千萬，有份創立嘅林日曦，曾經自稱係「垃圾學生」，會考得7分，後來喺商台透過創作創出一條路
原名徐家豪嘅林日曦今年40歲，中學時期轉過幾次校，成績差唔在講，仲試過考試時瞓著覺俾副校長叫醒，嬲到走咗去。後來升學讀設計又覺得唔適合，於是輟學。失學失業一年後徐家豪入咗商台，本來係負責將節目廣告剪走再放上網，有一次向高層俞琤反映意見而被賞識，調任參與節目創作，再轉職到商台有份嘅「天比高創作伙伴」做創作總監。
喺商台期間又因為想學填詞而被林夕收為徒弟，ecco shoes由於林夕另一得意弟子林若寧都係「林」字輩，於是徐家豪用「林日曦」作為筆名至今。林日曦07年起發表作品，最為人熟悉嘅都係TVB劇集歌如《連續劇》（容祖兒）、《幼稚完》（林峯）等。
2009年，林日曦同2位商台同事陳強同阿Bu出版每期只係一張紙嘅《黑紙》雜誌，《黑》嘅風格大受年青人歡迎，2013年《黑紙》班底再創立周刊《100毛》，瘋狂二次創作嘅封面令雜誌銷量一度超過每期10萬本。2015年佢地再製作惡搞影片，並建立平台「毛記電視」，當中嘅節目《勁曲金曲》為多首歌曲「強行填詞」大受歡迎，更因此衍生出《第一屆十大勁曲金曲分獎典禮》。100毛／毛記亦開始擴展廣告、舞台演出、藝人管理等業務，2018年3月以「毛記葵涌」之名正式上市，林日曦出任執行董事。股價於掛牌首日曾經彈上＄11.76，比招股價升8倍。
本來做幕後嘅林日曦自《100毛》爆紅之後開始多曝光於幕前，反而以前係DJ嘅陳強同阿Bu就退居幕後。林日曦更試過參與ViuTV《跟住矛盾去旅行》同蔣麗芸去韓國拍攝、主演talk show《林日曦細聲講》及舞台劇《大辭職日》、《大MK日》。
林日曦同獨立音樂人The Pancakes結婚11年，上年佢地結婚周年當日，林日曦罕有放閃出長文，原來佢同The Pancakes由相識到結婚前後只有幾個月，仲要係瞞住家人飛去關島註冊。而林日曦仲肉麻地寫道「我變心了……變得比十年前更愛你」！
