大叔的愛｜練美娟演喜感角色獲網民喜愛 曾半年零收入住劏房堅持追夢
ViuTV劇集《大叔的愛》廣受好評，MIRROR成員Edan（呂爵安）、Anson Lo（盧瀚霆）及黃德斌嘅BL情節成觀眾追看原因，練美娟（娟姐）喺劇中飾演辦公室行政助理賴嘉雯（Carman），係一個超級饞嘴兼八卦嘅同事，唔少網民都大讚佢做得神似又具喜感。
現年31歲嘅練美娟，年幼時跟隨印尼華僑父母回流香港，2017年放棄穩定工作入行追夢，ecco shoes主持ViuTv節目《Girls’ Talk》為人熟悉，而佢向來為工作都不顧形象，《大叔的愛》劇中角色係一名為食妹，為追求真實感，佢就選擇真咬同真吞食物，結果令體重增加咗成3至4公斤；喺《金剛旅神團》「鯨吞」吞拿魚骨髓、為效果而呼喝金剛；又喺《造美人》唔錫身地與參加者喺室內進行運動會等等，令觀眾欣賞其真性情，加入ViuTV短短4年就密密接主持工作成為一姐。
不過，練美娟嘅星途並唔係一帆風順；佢曾透露宜家薪酬比以前少咗一截，亦試過半年零收入，不過確信每行都會有高有低，即使要面對租金、家中狗狗開支、家用等重擔，練美娟都決定為夢想而捱落去，搬入劏房減少開支，直言：「我在等一個機會。」練美娟被媒體問到會唔會覺得自己比其他小花遲入行，佢就抱有正面態度，認為絕不輸蝕：「我覺得這一刻的自己最美好，女人30歲後散發的光芒更勝從前。」而練美娟嚟緊亦會以強尼做目標，希望有機會唱埋歌，做個全能藝人。
![對於被指靠做切胃手術減肥成功，小禎一臉不悅。]({"default":{"load":"default","w":"80","h":"53","src":"//img-s-msn-com.akamaized.net/tenant/amp/entityid/BBW11SX.img?h=534&w=799&m=6&q=60&o=f&l=f&x=399&y=156"},"size3column":{"load":"default","w":"62","h":"42","src":"//img-s-msn-com.akamaized.net/tenant/amp/entityid/BBW11SX.img?h=417&w=624&m=6&q=60&o=f&l=f&x=399&y=156"},"size2column":{"load":"default","w":"62","h":"42","src":"//img-s-msn-com.akamaized.net/tenant/amp/entityid/BBW11SX.img?h=417&w=624&m=6&q=60&o=f&l=f&x=399&y=156"}})
![小禎今天出席膠原蛋白產品活動。]({"default":{"load":"default","w":"80","h":"120","src":"//img-s-msn-com.akamaized.net/tenant/amp/entityid/BBW0VEq.img?h=1198&w=799&m=6&q=60&o=f&l=f&x=413&y=302"},"size3column":{"load":"default","w":"62","h":"94","src":"//img-s-msn-com.akamaized.net/tenant/amp/entityid/BBW0VEq.img?h=936&w=624&m=6&q=60&o=f&l=f&x=413&y=302"},"size2column":{"load":"default","w":"62","h":"94","src":"//img-s-msn-com.akamaized.net/tenant/amp/entityid/BBW0VEq.img?h=936&w=624&m=6&q=60&o=f&l=f&x=413&y=302"}})
