唔戴唔舒服 佘詩曼必備戒指傍身
佘詩曼前晚於上海出席珠寶首飾鑑賞晚宴，身穿一條吊帶白色長裙、配以名貴首飾的她，仙氣爆發，不論身材、樣貌都同樣養眼。
阿佘受訪時坦言愛美是女人的天性，自己跟很多女士一樣都是超級貪靚，當中小飾物更是她的至愛。她說：「我記得4歲嗰陣已經好鍾意飾物，有一次同媽咪行街，見到一隻心形、中間有粒石嘅耳環，好鍾意，媽咪同我講穿耳好痛，但我話唔怕，我真係好想要！咁細個都鍾意小飾物，我覺得女仔或多或少都係要戴飾物襯托吓！」平日見阿佘出席不同場合時總愛戴上手鐲及戒指，她笑說：「我鍾意o架！平時出街都會專登襯，戴唔同嘅戒指，試過有日唔記得戴，周身唔自在咁，最後都即時喺街買咗隻戒指，成個人舒服晒！」
