hoka one one

Posts Tagged ‘ 吳婉芳 ’

霍詠盈化身女護士　胡智略變身男管家

萬聖節玩變身！
已故名人霍英東嘅孫女霍詠盈（Caroline）早前被爆與前港姐吳婉芳大仔胡智略（Caspar）秘密發展姊弟戀，不過二人愛得低調，甚少喺網上甫出兩個同框合照。呢日Caroline喺網上晒出二人cosplay造型照，大方放閃，相信係日前萬聖節派對相，見Caroline化身「白衣天使」着上護士服兼戴咗護士帽，而Caspar則着上白恤衫黑背心，似乎係扮演男管家，兩個塊面仲塗上濺血嘅妝容添。而佢哋亦玩緊誰是兇手嘅遊戲，當中枱面放滿咗搵兇手嘅線索道具，佢哋仲準備咗墳場造型嘅曲奇，真係認真！
2019
11/05
分類
香港
標籤












撰寫回應

670萬獎金！吳婉芳兩愛駒 一級賽包辦冠季軍

沙田馬場2400米遮打盃這天上演，乃傳統季尾重頭戲，亦係今季最後一項一級賽，結果鬥得激烈，末段有五、六駒幾乎平排衝線，結果86港姐亞軍、47歲不老美人吳婉芳丈夫胡家驊一對愛駒「喜蓮巨星」、「喜蓮歡星」包辦冠、季軍，兩駒今場共獲670萬獎金；賽後吳婉芳親自領獎。

前冠軍騎師韋達操刀、告東尼訓練之「喜蓮巨星」今場沿途守第四位，直路早着先鞭，力拒三匹追兵「多名利」、「喜蓮歡星」同「將男」來犯，爆出7.6倍半冷門，捧走香港三冠大賽尾關遮打盃，告東尼向「多名利」練馬師大摩報番三冠次關香港金盃一箭之仇，蓋該役「喜蓮巨星」正係輸畀摩廐上季馬王「威爾頓」做阿二。

連同早前憑「喜蓮歡星」揚威三級賽皇太后盃在內，「喜蓮」系兩駒包辦季尾兩項2400米大賽，賽後胡家驊聯同靚靚老婆吳婉芳上台領獎，兩人有三名子女，大仔已逾20歲，但吳婉芳依然美艷動人，好似食咗防腐劑咁。

上屆遮打盃由「將男」勝出，此駒上仗新勝女皇盃，今場被捧成大熱門，跑落卻衝得冇上次咁勁，不但不敵「喜蓮巨星」，亦輸給「多名利」和「喜蓮歡星」只得梗頸四。

「喜蓮巨星」今場獲獎金570萬，「喜蓮歡星」則有100萬，合共670萬。胡氏家族的「喜蓮」系馬過去贏過不少大賽。1993年「喜蓮之星」及2008年「喜蓮福星」便先後勝出香港打吡。

2015
06/01
分類
國際娛樂在線
標籤






撰寫回應