岑麗香佗第2胎辛苦唔會忽略大仔
懷胎約7個半月的岑麗香昨日拍攝代言廣告，見她腳踏2吋高跟鞋及微露事業線，散發索媽氣息！她興奮表示預產期為5月初，同樣選擇自然分娩，並指疫情下，未知老公能否陪同入產房。她笑言佗第2胎較辛苦，因同時要照顧2歲大仔Jacob：「佢成日都想玩，唔想忽略咗佢，所以會盡力陪佢。」
提到日前她上載照片，被網民發現她飲沙冰，犯孕婦禁忌，並指她將名錶倒轉戴，她笑言：「我有盡力戒口，但有時想輕鬆吓，咁都好過食雪糕！」至於掉轉戴名錶，她自嘲：「個腦都掉轉咗！最近成日唔記得好多嘢，請大家體諒，哈哈！」
