候選港姐奉旨shopping 陳聖瑜為護膚喪啪藥
《2021香港小姐競選》20位候選佳麗昨日在荃灣一間百貨公司分組進行掃貨比賽，陳聖瑜、陳懿德、張嘉倩、戴佳敏與葉靖儀一組勝出分享5,000元百貨公司禮券。講到shopping，陳聖瑜透露最愛買鞋及護膚品，屋企更有近40對鞋，護膚品最貴試過買一瓶數千元的面霜，又直認平日最大開支是到美容院做Facial。講到扮靚，她說：「最緊要護膚，情願買少啲衫、少啲鞋都要保護膚質。依家除咗每日敷mask，仲會跟時間表食維他命、hey dude健康補充劑、腸道健康產品，連偏方飲半個檸檬水都試埋。」
至於戴佳敏表示每日早晚敷面膜為皮膚保濕，但因用量大不會買昂貴的面膜。另一佳麗梁凱晴表示參賽後買衫與交通開支大增，幸有消費券幫補，而伍韻婷則笑言未試過碌爆卡：「如果碌爆卡，爹哋實打死我。」
