譚輝智關嘉敏首合體跳唱《屈到病》網民力推台慶搵佢哋表演
早前喺《福祿壽訓練學院》終極對決中扮演「痰輝智」的關嘉敏，神似演出獲大量好評！事後，真假譚輝智於電視城首度合體，即場PK大跳《屈到病》，令觀眾大飽眼福！
見面一刻，關嘉敏興奮大笑！
關嘉敏見到對方後興奮大笑！原本兩位從不相識，首次坐埋傾偈時，關嘉敏笑指：「其實咁樣睇我哋唔似㗎」譚輝智睇完超開心，又讚對方扮得好：「就係咁先睇到佢嘅功架，佢靚咁多，點會扮到我，又要扮唔識跳舞。」關嘉敏曾擔心好驚畀輝智粉絲鬧，如今好開心可以得到本尊認可，又即場同台跳唱《屈到病》，兩位首次合作就勁有喜劇效果！輝智仲話如果影片點擊率過百萬再找數。 唔少網民激讚：「台慶應該搵佢哋合體表演」「相似度：100%」「嘉敏，加油! 又靚又有身段」「試吓揾譚輝智扮關嘉敏唱跳一番」 坐埋一齊勁尷尬.
