Posts Tagged ‘ 徹底 ’
無綫娛樂新聞台幕後初步確診 全台停廠徹底消毒
新冠肺炎持續擴散，無綫繼昨日（16日）《聲夢》學員潘靜文、主持兒童節目《Hands Up》的伍文生經檢測初步確診，今晨（17日）再有一位娛樂新聞台國語台的幕後人員，證實初步確診，娛樂新聞台即時停廠一日，全廠要徹底消毒，該台所有員工不能返公司，red wing boots並且要在家接受快速測試等候通知。據知，今次停廠不會令常規節目受影響，因娛樂新聞台有鑑近期疫情肆虐，早已拍下存貨節目，以備不時之需。
對於娛樂新聞台有員工中招，該台主持周奕瑋回覆：「我即刻Check咗喇，冇事，咁本身自己都冇唔舒服，同埋一直都好小心防疫，呢幾日都有開工，但就冇同嗰位同事接觸過嘅，之後都會繼續小心防疫。」而身為主播的吳紫韻則表示：「本身我要做廠，但收到通知停廠，因為我哋做嘢嘅地方都要全面消毒，公司都會為返工嘅同事提供快速測試 其餘嘅嘢都係等通知。」
歌手林利與台灣老婆陷離婚邊緣，他最憎太太將家醜外揚，更被對方的難聽說話激到破口大罵。他自認情緒差，似快承受不了要爆煲！
林利2019年與台灣女友Erin拉埋天窗，婚後一直表現恩愛，去年Erin因老公與台灣女星陳柏渝私訊，在網上鬧出「興師問罪」風波，最後她向陳柏渝道歉。早前林利母親患淋巴癌，林利留港照顧，加上因疫情關係有近半年沒見，獨留台灣的Erin連續2日在網上哭訴對婚姻生活不滿，林利也揚言「認輸了」。
昨日Erin寫道：「不是這個時代遠離了愛情，而是一開始就沒有想過用一顆心去堅定的溫暖另一顆心，不是愛情不再永恒，而是浮躁和易變的心！」林利亦留言回應：「去找更好生活吧，我無能為力，不是一個好丈夫。我承認負累人，我承認罵你，去吧……我徹底認輸了。」疑婚姻亮紅燈。
赴台4次見面
在港的林利受訪時承認兩公婆嘈交，問是否鬧離婚，他無奈說：「佢唔肯聽我電話。」他最嬲太太將家事放上網談論：「台灣人真係好興(O架)！」不過嬲還嬲，他承認仍愛對方：「由上年1月到依家，我來回台灣4次，隔離咗8次，我唔愛佢就唔會咁做！」他指2人經常為瑣碎事而嘈，每當相處不到，就很容易在言語上出事，前晚太太就對他說：「如果我要嫁有錢佬，我大把啦！使鬼揀你！」、「我知你搵有錢女嘛！」激到他紮紮跳。
認大聲鬧老婆
他直認脾氣不好：「佢個人好要面，唔鬧得，但我都有情緒，要養兩頭家好辛苦，要照顧母親同太太，顧得呢邊又顧唔到另一邊。我都有唔啱，有時好大聲，我唔係怪佢，冇講佢唔好，兩人靠視訊會愈來愈陌生，我都唔想行到呢步。我嘅作息好簡單，又唔揮霍，如果我嘅生活滿足唔到佢、令佢難過，我梗係叫佢搵過個有更好生活！」
