朱婉禎 | 熱點事件,人氣搜尋,熱點新聞-hot event新聞網

前新聞主播陳嘉倩形象插水,事業、愛情兩失意！

前新聞主播陳嘉倩去年九月離開無綫重返校園，不過有傳佢同有案底嘅陳志遠拍拖後，無綫女藝人朱婉禎出嚟訴苦，話自己先係「正印」，陳嘉倩係「小三」！

雖然陳嘉倩話自己唔知情，仲話：「有人不斷的威嚇、滋擾，亦有人揚言要每天跟蹤我」已經報案，不過被朱婉禎直斥佢大話連篇，「男友」陳志遠亦指，陳嘉倩早知「正印」存在！

呢單「羅生門」邊個岩邊個錯都好，陳嘉倩形象已跌落谷底，更有指佢工作量大減，雖然之前已經過檔ViuTV做節目主持，及喺港台主持氣候及環境資訊節目《大氣候》，不過呢日有報道指，《大氣候》2月3日起，將由另一位前無綫新聞主播鄭萃雯主持！

港台回應傳媒查詢時表示，係陳嘉倩主動請辭：「同陳嘉倩係傾好先拍13集，但未到13集時，大家已經商討係咪繼續做。」睇嚟今次真係事業、愛情兩失意！

前無線新聞女主播陳嘉倩，因樣子甜美人氣爆升，被封為「宅男女神」，網民更給她「嘉倩BB」的稱號。最近嘉倩為修讀碩士課程而離開無線，並在港台開咪主持節目《大氣候》。最新一期《東周刊》報道日前晚上，嘉倩完成工作後獲一名「金毛凸肚男」護駕，兩人除溫馨搭膊撐枱腳，並於深宵同返香閨。

嘉倩BB有人愛錫，當然值得恭喜。不過，據知陪她返閨的「金毛凸肚男」名叫陳志遠（Stephen），4年前曾經因為欠債百萬不還被入稟控告，之後更因為持刀禁錮前女友、「前有線球彩台女主播」陳思琦12小時，被判入獄28個月。陳志遠另一位前女友朱婉禎是無線女藝人，她稱與男方拍拖時相處開心，撐舊愛是好人。