hoka one one

Posts Tagged ‘ 梁政珏 ’

2018世界盃開波啦！識睇梗係要睇靚女主持｜世界盃歷屆靚女主持回顧

2018世界盃將於本周四(6月14日)開鑼，今屆世界盃由Now同ViuTV播放，ViuTV更會安排19場免費直播，球迷喺睇波之餘，識睇梗係要睇埋靚女主持！

而為迎接世界盃，ViuTV推出節目《Good Night Show全民睇波派對》及《Good Night Show全民星戰 – 世界盃變「新」》，搵來杜汶澤孭飛做主持，暫時未知有咩靚女主持睇，不過多年來TVB同有線爭播世盃賽事，都有唔少索爆嘅主持小花，佢哋未必個個有專業球評水準，但學張國強話齋「有波、有分析」，真係有少少鍾意咗佢哋！

世界盃歷屆靚女主持回顧

高海寧

於南非遭誤傳失蹤，搞到網民恐慌，大家都非常擔心當地人會垂涎高海寧美色，好在只係虛驚一場。

世界盃

高Ling對「世界波」真係冇得輸！

世界盃

苟芸慧

四年前被派到巴西採訪世界盃，險遭智利球迷狼吻。

世界盃

李佳芯

在節目中潮玩Cosplay，化身足球護士，報道各隊傷兵情況，當年呢個角色由model出身嘅李佳芯演繹，真係fit晒！

世界盃

梁政珏

宣布封胸嘅梁政珏，去到南非同做《獎門人》都變成密實姑娘，令觀眾十分失落！

世界盃

黃婉曼

黃婉曼做節目最好睇嘅地方，就係成日畀班麻甩口水佬主持調戲。

世界盃

世界盃

孫慧雪

阿雪(孫慧雪)06年都做過「世界妹」，佢曾經指控林敏驄在無綫世界盃節目中對佢性騷擾：「佢話我個波污糟！」

世界盃

林芊妤

當年著住TVB 件密實波衫，差啲唔認得有「港版瑤瑤」之稱嘅Coffee，咁搞法叫人點樣《世界盃動起來》先？！

世界盃

世界盃

李綺雯

被問及球員應否在世界盃期間禁慾，李綺雯寸嘴話：「球員唔帶老婆、女友去，都未必禁到 。」哈，唔通係陳七話佢知嘅？！

世界盃

劉俐

對住貓紙都將球員名讀到甩甩咳咳，真係辜負咗「劉俐」呢個好名！

世界盃

關婉珊

《美女廚房》嘅「蜜瓜」關婉珊(依家改名叫「關宛珊」)都主持過《世界盃動起來》，但表現未見突出！

世界盃

黃瑩

06年港姐，點解咁好身材當年都落選？！鬼叫佢遇着擅打鬼影變幻球嘅冠軍陳茵媺咩！

世界盃

蔣怡

全靠嬌聲嗲氣取勝，唔止球迷受落，連其他男性嘉賓主持都讚。

世界盃

劉明軒

娛樂台靚女主播講埋波，專門八吓世盃嘅花邊新聞，就算唔係球迷都啱睇。

世界盃

潘杰寧

咪睇佢外表嬌滴滴，實情係個資深球迷，除咗世界盃之外仲主持過《體育王》同《足球達人》。

世界盃

2018
06/13
分類
台灣
國際
大陸
香港
標籤


































撰寫回應

梁政珏早產誕4.2磅B仔 冇得抱B唔准喊：怕血流入腸

後更新: 1015 02:33 / 建立時間: 1015 00:40

現年34歲的梁政珏，今年1月在港同生意人何思源（John）註冊結婚，7月宣佈陀男B，預產期在下月初，不過首次懷孕的她，遇上胎盤前置及過低，還有子宮後屈問題。上月30日梁政珏突然作動，即日剖腹誕下4.2磅得意B仔Johnson。梁政珏昨日接受《蘋果》訪問時表示：「見到囝囝我即刻喊，點知醫生唔准！」

梁政珏說：「其實我本來預咗10月中開刀生，仲揀埋時辰，我喺中秋節之後嗰日就轉咗醫院，主要因為醫生話BB情況穩定，唔需要用ICU設備，可以轉番去私家醫院生，而且我要幫囝囝留臍帶血，又擇咗時辰開刀，當時醫院喺呢方面配合唔到，但估唔到轉咗院兩日就作動，計劃係亂咗少少，好彩我一早叫咗陪月早啲到，有人可以幫到我。」

回想當日突然「生得」，梁政珏形容情況十分危急：「因為我同其他孕婦唔同，要三個醫生一齊『招呼』我。」她又說，雖然之前試過作動，但當日感覺特別強烈：「我完全感受到阿仔今次真係要嚟喇，我好快就俾人推咗入手術室，因為係半身麻醉，所以等BB出世嗰時好緊張，老公一直捉住我隻手，直到護士抱個仔畀我，我開心到喊，但醫生即刻阻止，因為我一喊就會身體抽搐，啲血會係咁流晒入腸，我惟有忍住唔敢喊。」

梁政珏表示兒子英文名叫Johnson，母子已回家休息，她表示會以母乳餵哺囝囝，因為要給予囝囝最好、最健康的，她透露：「當日老公全程喺手術室陪住我，但唔可以剪臍帶，同埋因為太急，最後都留唔到臍帶血，只係留咗臍帶。之後我因為太攰，安頓咗囝囝之後，即刻叫醫生幫我全身麻醉等我休息。」

由於Johnson 35周便出生，體重較一般初生嬰兒輕，出生時只有4.2磅，肺、胃功能亦未達到最理想，出生後要立即瞓氧氣箱，身上還要插滿喉及儀器，梁政珏更說等足八日才有機會親吻囝囝，那種骨肉分離感覺很不好受。

梁政珏說：「我每日都會隔住個箱探囝囝幾次，但到第八日先可以錫到佢，我伸個嘴入箱錫佢塊面，佢即刻笑，真係好奇妙，好似知道媽咪去錫佢咁。」梁政珏老公John昨日接受《蘋果》訪問時，開心地表示：「多謝大家關心，不過今次老婆最辛苦，所以一定會錫晒佢。」

2015
10/15
分類
台灣
香港
標籤



2 個回應

胎盤前置須卧床至B仔出世 大肚梁政珏持續出血再入院

現年34歲、有「咪神」之稱的梁政珏，今年1月秘嫁生意人何思源（John）後不久即宣佈有喜，且陀着是男B，預產期在今年11月。不過，因為遺傳了母親子宮後屈，兼有胎盤前置及位置過低問題，梁政珏本月8日曾因突然出血，要打999叫救護車急送醫院，全家上下幾乎嚇到鼻哥窿都無肉，幸在醫院卧床一星期後，獲醫生批准回家，之後梁政珏也有在網上貼相貼文報平安，又表示自己會乖乖卧床休息，惟本報昨日卻在瑪麗醫院發現梁政珏蹤影，她全程更以輪椅代步。

昨日大約11時，本報記者在瑪麗醫院發現梁政珏，穿白色短袖衫、灰色長裙及戴了大大頂草帽的她，由老公何思源駕車送到瑪麗醫院，同行還有個外籍女傭及梁媽媽。女傭負責推輪椅，坐在輪椅上的梁政珏除了臉帶倦容，神情舉動亦有點緊張，見老公要暫時離開將車駛到停車場，更突然轉身想拉住老公，何思源即o氹她說：「泊車，好快上嚟搵你。」至於梁媽媽則表現淡定，全程伴在她身旁。

據知梁政珏昨日再度入院，因為她回家後一個星期，出血問題仍未有解決，本報隨即以短訊聯絡梁思源了解其妻狀況，他以短訊回覆：「喺醫院檢查緊，唔講住，謝謝關心。」惟記者再追問他梁政珏是否要住院到生為止，他便沒有再回覆。

據知，梁政珏篤信佛教，她與母親及家傭乘電梯到醫院的診所樓層時，不停捲動手上的佛珠，似乎想定驚，到達後她更突然變得緊張，跟梁媽媽說：「媽咪，我唔知喺邊層呀！」但梁媽媽未有回答她，便急步到登記櫃枱替她登記，並跟護士說她們是第一次到診。

梁政珏入院後檢查了近兩小時，最後由醫護人員及家人陪伴轉送到病房樓層，之後何思源才跟外母到醫院餐廳醫肚。本報曾致電梁政珏欲了解其病況，惟截稿前她未有回覆。

2015
08/28
分類
台灣
國際
標籤





撰寫回應