Posts Tagged ‘ 羅仲謙 ’
楊茜堯（前名楊怡）昨日在社交網上載與老公羅子溢（前名羅仲謙）的閃爆合照，慶祝結婚五年大日子，相中羅子溢以泳褲造型大騷白雪雪的健碩胸肌，man爆揹起老婆，而楊茜堯攬 老公作支撐之餘，猶如小孩般舉起一隻手，由他們的滿臉笑容可以感受到當時定玩得相當開心。
楊茜堯更附圖留言向老公許下愛的諾言、ecco shoes共渡晨曦與落日，又寫下：「Happy anniversary，thanks for being in my life＃兩個人相愛，不是因為你多喜歡對方的優點，而是你能否容忍對方的缺點，夫婦相處之道」。一班圈中好友包括佘詩曼、陳自瑤、林子善、江美儀、湯洛婷等紛紛留言送上祝福。
姊弟戀修成正果！ 楊怡 鍾情羅仲謙因為…
羅仲謙和 楊怡 終於結婚了，恭喜一對新人同時聽到很多人疑問的聲音，大家都摸不著頭腦，為甚麼 楊怡 會懶理羅仲謙的負面新聞和過去情史，而選擇嫁給他？原來羅仲謙對楊怡做過很多浪漫體貼的事，成功獲取女方歡心！
羅仲謙和 楊怡 不單只開微博，而且亦有開ig。 楊怡 follow的人，約34個。但羅仲謙follow的人，只有一個。那個，就是 楊怡 。雖然看似微不足道，但作為女人都會被這個小小的舉動感動到。
羅仲謙出席活動時，他除了挑選了人形公仔外，也選擇了雨傘給 楊怡 ，寓意為愛人遮風擋雨。他亦表示女友送禮物都是一份心意，不會介意價錢和實用性，即使一粒糖都滿足。羅仲謙表示楊怡曾於他在台灣拍戲時探班，感到非常驚喜。
去年8月楊怡生日當天羅仲謙向她求婚，兩人當時在台灣旅行，謙謙在天燈上寫上求婚字句及愛的宣言，最後再拿出求婚戒指向楊怡求婚，獲楊怡一口答應，還說了愛的宣言：「IG淨係FOLLOW你（楊怡）一個都夠啦。」
羅仲謙和 楊怡 在充滿童話氣息、古典氣息重的城堡註冊，原因是因為他想太太好似公主一樣出嫁，羅仲謙還帶同楊怡的親戚朋友一起去見證這個珍貴時刻。」
楊怡和羅仲謙出席嫁喜禮餅活動，適逢 楊怡 生日，羅仲謙向太太送上寫著「You are the only one」的蛋糕，又錫又攬太太，非常甜蜜。
由於羅仲謙是圍村出身，兩人的過大禮儀式都跟足傳統，男家為表誠意送上大堆禮品，禮品之多幾乎塞爆客廳，而 楊怡 則全程遵從傳統習俗，在過大禮期間一直留在房內等待，待親友接過禮品才出來。
羅仲謙既浪漫又愛錫楊怡，難怪即使男方有前科，楊怡也不計前嫌嫁羅仲謙！
早前女神Angelababy高調去到整形醫院做鑑定，最後證實佢並無做過臉部整形手術，困擾多年嘅整容傳聞終於告一段落！不過都係嗰句，唔係個個都好似Baby咁大方公開任驗。繼早前嘅《十大整形女神》，新地網依家為大家送上男版嘅《八大變形金剛》，睇吓有邊啲男星識得好似柯柏文咁變變變！
型男沈震軒出道時寂寂無名，後來被Paco睇中，之後一直平步青雲，仲愈來愈型仔！相比初出道時，沈震軒眼皮變深，放電冇難度之餘，連至hit臥蠶都有埋。而鼻樑亦變得又高又窄，同塊V面襯到不得了，比多年前出道時更似古天樂。對此沈震軒就話︰「我其實天生係雙眼皮，不過係內雙眼皮所以唔明顯，依家都係多用膠紙加深效果。」至於面形上嘅改變，佢就話︰「以前拍劇時成日食宵夜，食飽就瞓，所以面容腫脹。不過依家臨瞓前兩個鐘戒油戒水戒鹹，將從小嘅習慣改變咗。」
謙謙初出道時輪廓已算突出，不過隨着人氣一直升，五官都愈來愈靚喎！首先天生嘅pizza面唔見咗，變成瘦削V臉。鼻翼由闊變窄，鼻樑顯得更堅挺，同女友楊怡個鬼婆鼻好匹配。加上依家成對眼勁有神，望耐一陣都俾佢電親！謙謙就話︰「我入行都已經有一段日子，樣唔同咗都係好平常嘅事。」不過佢就重申唔介意人哋整容，因為只係一種愛美嘅表現。
歌手胡鴻鈞2010年於《超級巨聲2》奪得亞軍入行，向來賣歌喉唔賣樣嘅佢歌藝有冇進步就唔知，不過個樣就肯定唔同晒！由2010年嘅 1.0方形面，進化到今時今日嘅V煞面 6.0，被網民戲稱「削骨還父」，同哪吒一樣咁孝順！
其實對於削面傳聞，佢曾經話︰「其實係跑步嘅成果，運動同節食雙管齊下，所以形象有所改變」。佢仲強調屋企人管得好嚴，根本唔可能整，否則會「俾阿媽斬死」。其實不久前胡鴻鈞先喺星星負皮卷再次否認整形 ，佢強調話︰「我都好想認但因為冇做過，真係有嘅就唔怕同大家講。」，之後仲自嘲已經進化到7.0！
年輕時嘅鄭嘉穎包包面，甚具福相。不過自從喺台灣返嚟香港後就神奇地發展為「刀削面」，下巴尖一尖，而面部肌膚無鬆弛之餘仲愈來愈緊緻。對此嘉穎話自己後生嘅時候baby fat未除，仲出動證人︰「好在有同年出道嘅馬浚偉做證人，我嗰時喺台灣有錢都用晒去食飯同交租。」證明佢真係冇執過。咁即係嘉穎自己回春有術啦，難怪至索港姐陳凱琳都俾佢迷倒！
如果睇返海綿大哥以前啲相，佢嘅相貌可以話係十分平凡。眼細細，鼻子圓圓扁平，唔覺有咩星味。不過同唔少男星一樣，黃曉明嘅樣貌都係隨住人氣上升而改變。依家嘅佢眼睛大咗精靈咗，下巴尖晒，再加埋筆挺嘅鼻樑，簡直係男神嘅模範！最勁係連女神Angelababy都嫁埋俾佢，真係冇得輸！
對於樣貌上嘅改變，黃曉明就話聽到好難過︰「因為大家都只喜歡八卦新聞而非事實。」佢透露自己有段時間激減磅︰「我曾經重155斤，现在只有130斤左右。」，所以成個人都唔同咗，一切都是「減肥惹的禍」。嘩講到好勉強咁喎，不如變返以前咁好冇？
雖然有個星級爸爸劉丹，不過劉愷威喺香港嘅演藝事業並唔順利，多年來喺TVB都係演閒角居多。於是佢05年轉戰內地，10年後嘅今日已經喺內地紅透半邊天，躋身一線小生行列，仲娶埋個索老婆楊冪。不過唔少觀眾就話冇見一排幾乎唔認得劉愷威，因為依家嘅佢雙眼變得炯炯有神，鼻變得挺拔有型，由當年帶點呆嘅薯樣進化成男神。雖然近年大家都對佢嘅外貌議論紛紛，但劉愷威都只係話︰「總之沒加過東西，也沒拿走過東西，沒開過刀，就是這樣。」既無承認亦無否認，一切交由大家自行判斷。
台灣男藝人汪東城以組合「飛輪海」成員身份出道，初出道時嘅佢面形腫脹，不過依家下巴尖一尖，成塊面縮細咗咁。大細眼變電眼，扁平鼻子變得愈來愈高，愈來愈似以前嘅炎亞綸…點解係以前？因為依家嘅炎亞綸都已經去到另一個層次，直頭係韓國人一樣。大東就話︰「以前有水腫和baby fat，不過之後勤於健身，所以不單身材變fit，五官都變得立體。」就連佢所屬公司都曾經話大東只係受惠於現時精進嘅化妝技術，所以比以前上鏡。明白晒！
有亞洲舞王之稱嘅「小豬」羅志祥，出道時係單眼皮，不過近年雙眼皮愈見明顯，依家嘅佢簡直係擁有一對迷人電眼，仲有下巴都尖咗唔少。小豬就話︰「我都是用貼的」，原來係用咗雙眼皮膠紙嘅效果，呢幾年來係咁黐係咁黐，久而久之都變成雙眼皮。佢成日話自己工作太忙，邊有時間整，仲曾經表示話︰「我不想跨出那一步(指整容)，做了便不能笑別人。」所以真係唔可以睇少雙眼皮膠紙嘅威力！
