Posts Tagged ‘ 都市閒情 ’
R.I.P.《都市閒情》前主持盧念國昨凌晨病逝
今日有報導指無綫前《都市閒情》主持盧念國（盧盧）昨凌晨病逝，享年50多歲。有傳媒致電前拍檔陳寶儀，親口確認死訊，佢話盧盧係天主教徒，相信喪禮會以天主教儀式進行，身後事會由盧盧細佬同好朋友安排。
陳寶儀就話盧盧係喺星期一（10月31日）晚上與友人食晚飯後出事。一班舊同事同朋友知道佢情況唔太樂觀，已經去醫院探望佢，但佢已經處於昏迷狀態，於是大家就喺佢耳邊安慰佢，為佢打氣。去到星期三，陳寶儀再收到余文詩嘅message，當時已經話情況唔係好好，佢嘅屋企人已經陪伴盧盧身邊。到星期四起身，已經收到盧盧離世嘅消息。
陳寶儀表示好唔開心，因為盧盧除咗同佢好好感情之外，佢仲係佢個女嘅補習老師，仲讚佢雖然好嚴好惡，但係教到佢個女好好。
盧盧, 一路走好。
【晴報專訊】無綫全新飲食節目《區區開伙》找來安德尊（大王）與李錦聯（李師傅）跳出《都市閒情》，走勻全港18區覓食，首集更請來朱千雪任嘉賓。不少網友狂推無敵鴛鴦鏟再現超爆笑；有人則嫌二人舊酒新瓶冇新意！
長壽婦女節目《都巿閒情》的老拍檔安德尊、李錦聯，去年初再度合體主持烹飪環節《今晚食乜餸》，合力炮製一味「金不換蜜汁龍蝦」，你一言我一語勁有火花，「駁火」短片於網上炒出數十萬點擊率，之後更煮餸煮到登上《100毛》封面。其後，他們多次在節目中合體，也獲觀眾Like爆，成為一時佳話，個個留名等睇TVB開節目畀無敵鴛鴦鏟狽飛，預期收視必定「靠得住」。
嘲大王上唔到位
近日，大王與李師傅首度合作主持的飲食節目《區區開伙》前晚首播，兩位《都巿閒情》代表人物率領觀眾游走18區「食好嘢」，第一集空降旺角，並與美女調解員朱千雪「掃街」，品嘗雞蛋仔、臭豆腐及滷味，食盡香港地道風味。
無敵鴛鴦鏟載譽歸來，霸氣十足的大王於第一集大部分時間慘變下靶。佔盡上風的李師傅，度出不少抵死押韻的對白玩謝拍檔。好像李師傅介紹千雪BB出場時，聲稱諗起與大王一齊做節目、一齊食飯已「頂唔順」，又取笑大王食滷味也要落茄汁；三人食雞蛋仔時聞到香味，李師傅又嘲諷大王「就快香（死亡）」，言語間句句有骨。
另外，節目尾聲時，安德尊和李錦聯一齊同千雪BB試食佛手柑雪葩，見到碟上的螺絲及螺絲帽形朱古力，大王成功表演上螺絲帽乘機認叻，李師傅卻一句KO拍檔：「如果咁就叫上到，難怪你上唔到位啦！」不少網友睇住李師傅「開火」大呼過癮，高喊好笑有火花；另一方面，有口痕友卻狠批二人舊酒新瓶，翻Loop舊蹺欠誠意。
此外，大王與李師傅於第二集將到觀塘搵食，更獲憑《EU超時任務》彈出的Zoie（譚凱琪）做嘉賓，未知屆時是否輪到大王發威。
撰文：Steven、Pat
協力：陳子楠
插圖：何樂
編輯：黃寶恩
設計：鄧俊明
| 一 | 二 | 三 | 四 | 五 | 六 | 日 |
|---|---|---|---|---|---|---|
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
