吳若希去酒店食西餐，Ｄ柒頭開完一個ＰＯＳＴ
無聊，想柒到幾時呀，我真係忍夠啦！ 幾版都係吳若希，水蛇春咁長，來來去去個幾句！ Ｄ柒頭開完一個ＰＯＳＴ又一個ＰＯＳＴ， 自以為好好笑，完全無創意又無新意。 人地股票又跌又升，都話有人賺有人蝕，可以參考一下； 有人跳樓都可以了解下世態，俾大家培養下同情心； 人地吳若希有無露，關你地乜事呀？ 你話第一次就扯左，第二次都話好笑， 第三次都仲有得恥笑下，第四次都悶啦嘩？好似係。
老老實實，關你地乜事先，講極都唔厭有乜解呀？ 人地吳若希去酒店食西餐你有份食咩？ 人地吳若希去茶館食鮑魚你又有份食咩？ 我係佢都恥笑你地班多事的柒頭啦！ 一時又彈人地粗，一時又話人地黑， 人地又粗又黑又關你地乜事呀？ 你講幾次就算啦！來來去去個幾句！ 大家講下點解死咬住個話題唔放。 人地搵食姐，犯法呀？
啦，幾大就幾大，燒賣就燒賣， 是咁的，尋晚就打電話去報警， 同佢地講話你地問良心登唔登上報啦？ 今日又點？間間報館都無貼上報！ 你地火星了，尾國部勇氣號都影到你地啦！柒頭！
大把巴打絲士打依家返緊工， 係得食飯同下午個幾粒鐘得閒上下高登， 你地無所事事都搵Ｄ搞作啦，唔好浪費大家時間， 技窮啦？技窮啦？技窮就收工，唔好阻頭阻勢； 我地上高登，唔係搞笑，老老實實係要搞學問， 係要改善社會風氣，要改良人民質素， 你地好心就唔好吹水吹到尖沙咀，節省少少啦。
尚無回應.